ناڤەندا نووچەیان – سەمابابێ شێخ د پەیامەکێ دا ب هەلکەفتا جەژنا ڕۆژییێن چلەیێ هاڤینێ، پیرۆزباهییێ ل ئێزدییێن کوردستان، عێراقێ و جیهانێ دکەت و هیڤیخوازە جەژنا خێر و بەرەکەتێ بت بۆ هەموویان.
ئیرۆ شەمبی، 1ی تەباخا 2026، بابێ شێخ “شێخ عەلی شێخ ئەلیاس” پەیامەک ب هەلکەفتا جەژنا ڕۆژییێن چلەیێ هاڤینێ بەلاڤ کر.
دەقێ پەیاما بابێ شێخ:
ب هەلکەفتا هاتنا جەژنا ڕۆژییێن چلەیێ هاڤینێ، کو دکەڤتە ڕۆژا ئێکشەمبێ 2ی تەباخا 2026، گەرمترین و جوانترین پیرۆزباهییان ڕابەری تەڤایا ئێزدییان ل سەرانسەری جیهانێ دکەم، ب تایبەتی ژی زەلامێن ئۆلی و چلەگرا و کەسێن ڕۆژی گرتین، ژ خودایێ مەزن دخوازین کو ڕۆژی و دوعایێن وان قەبوول بکەت.
هەروەسا ژ خودایێ مەزن خواست کو ئەڤێ هەلكەفتا پیرۆز ب خێر و خۆشی و بەرەکەتێ ب سەر هەموویان دا ڤەگەڕینت، و ئارامی و تەناهی و ساخلەمییێ ببەخشتە هەموویان، و گیانێ حەز ژێکرن و براتییێ د ناڤبەرا تەڤایا جڤاکا ئێزدی دا ئاڤا بکەت، و ئەڤێ جەژنێ بکەتە دەرگەهەک بۆ پێگێڕیێ ب بهایێن ئۆلی یێن ڕەسەن و بەردەوامییدان ب ڕێباز و کەلتوور و ئەرکانێن ئۆلا مە یا ئێزدییان یا کەڤنار، وەک چەوا هەبوویە و دێ هەر مینت د ناڤبەرا نڤش ل دووڤ نڤشی دا.