ناڤەندا نووچەیان – سەما
لقێ ئێکێ پارتی دیموکراتی کوردستان ل دهۆکێ جەژنا جەمایێ ل ئێزدییان پیرۆز دکەت و دبێژت: جەژنا جەمایێ هەلکەفتەکا پیرۆزە بۆ دوپاتکرنا کەلتوورێ ڕەسەن و دەولەمەند یێ لێبۆرینێ و تەباییێ ل دەڤەرا مە و سەرانسەری هەرێما کوردستانێ.
دەقێ پەیامێ:
ب هەلکەفتا هاتنا جەژنا”جەمایێ” گەرمترین پیرۆزباهییێن خوە ئاڕاستەی میرێ ئێزدییان، بابە شێخ، جڤاتا ڕۆحانی و تەڤایا خویشک و برایێن ئێزدی ل کوردستانێ و جیهانێ دکەین.
جەژنا جەمایێ، وەک هەڵگرا پەیاما ئاشتی، پێکڤەژیان و نووکرنا گیانێ برایەتی و تەباییێ، هەلکەفتەکا پیرۆزە بۆ دوپاتکرنا کلتوورێ ڕەسەن و دەولەمەند یێ لێبورینێ و تەباییێ ل دەڤەرا مە و سەرانسەری هەرێما کوردستانێ.
خویشک و برایێن مە یێن ئێزدی بەشەکێ سەرەکی و جودانەبووی نە ژ جڤاکێ کوردستانێ، و خوەڕاگریا وان ژبۆ پاراستنا ناسنامە و کلتوورێ خوە، هەردەم جهێ ڕێز و شانازییێ یە.
هیڤیدارین ئەڤ جەژنە ببیتە ئەگەرا ڤەگەڕاندنا ئارامی، خۆشی و تەناهییەکا بەردەوام بۆ تەڤایا خویشک و برایێن ئێزدی، و بەختەوەرییێ بئێخیتە د دلێ هەمی خێزانان دا.