ناڤه‌ندا نووچه‌يان – سه‌ما
ل بنگه‌هێ لالش ل دهۆكێ گه‌نگه‌شه ل سه‌ر ده‌ستپێكرنا قۆناغا دويێ يا پرۆژه‌يێ ديكيۆمێنتكرنا كه‌لتوورێ ئێزدييان هاته كرن.
كۆمبوون ب ئاماده‌بوونا سه‌عيد جردۆ، سه‌رۆكێ بنگه‌هێ لالش ل دهۆكێ و د. سه‌عيد خودێدا، جێگرێ سه‌رۆكێ بنگه‌هى و ئه‌ندامێن ده‌سته‌يا بلند، و د. ئانى، شاره‌زا ل رێكخراوا يونسكو هاته ئه‌نجامدان. تێدا گه‌نگه‌شه ل سه‌ر ڕێكارێن ده‌ستپێكرن و بجهئينانا قۆناغا دويێ يا پرۆژه‌يێ ديكيۆمێنتكرنا كه‌لتوورێ ئێزدييان يێ مادى و نه مادى هاته كرن.
ئه‌ڤ پرۆژه ژ ئالييێ بنگه‌هێ لالش ب هه‌ڤپشكى ل گه‌ل ده‌ستپێشخه‌رييا ناديا موراد و ب سه‌رپه‌رشتى و پاره‌داركرنا رێكخراوا يونسكۆ يا گرێدايى نه‌ته‌وه‌يێن ئێكگرتى (UN) دئێته بجهئينان.