ناڤەندا نووچەیان – سەما
مه‌زنترين پرۆژێ ئاڤدانا جه‌زیره دێ ل ده‌ڤه‌را شنگال و به‌عاج ئێته دروستكرن، ئه‌ڤ پرۆژه دێ كێشه‌يا ئاڤێ ل ده‌ڤه‌رێ چاره‌سه‌ر كه‌ت.
د. خه‌له‌ف شنگالى، راوێژكارێ محەممەد شیاع سوودانی،سه‌رۆك وه‌زیرێن عيراقێ بۆ كاروبارێن ئێزدیان راگه‌هاند: ل دووڤ به‌رنامێ حكومه‌تێ بۆ پشتگیریا كه‌رتێ چاندنێ و نه‌هيلانا بێكاریێ و ره‌خساندنا ده‌رفه‌تێن كاری، ل سه‌ر راسپارده‌يێن سه‌رۆك وه‌زیران یێن بۆ پشتگیریا شنگالێ، فه‌رمان دا لایه‌نێن په‌يوه‌ندیدار كو پرۆژێ ئاڤدانا جه‌زیرا نوو دروست بكه‌ن و ده‌ڤه‌را ڕه‌بیعه، قه‌زايێن شنگال و به‌عاج و ناحیێن وێ بخۆ ڤه دگرت.
راوێژكارێ سوودانی ئاشكراكر:” ئه‌ڤ پرۆژێ ستراتیژی، یێ ئێكێ یه ل ڤێ ده‌ڤه‌رێ، ئارمانج ژێ پشتگیریا گه‌شه‌پێدان و ئارامیا ده‌ڤه‌رێ و جۆتیار و چاندنێ و په‌يداكرنا ب هه‌زاران ده‌رفه‌تێن كارى يه”.
د. خه‌له‌ف شنگالى دا زانين ژى: ئه‌م پابه‌ندین ژبۆ پشتگیریا ئارامی و گه‌شه‌پێدانا ده‌ڤه‌رێ.