ناڤه‌ندا نووچه‌یان – سه‌ما
پرۆسەیا تۆمارکرنا زانیاریێن ئاواران ل كه‌مپێن پارێزگه‌ها دهۆكێ ده‌ستپێكريه و ڕۆژانه دێ 500 کارتێن نشتيمانی بۆ ئاواران ئێنه دروستكرن.
نڤيسينگه‌ها په‌رله‌مانتار ڤيان ده‌خيل، ئه‌نداما جڤاتا نوونه‌رێن عيراقێ راگه‌هانديه، ل كه‌مپا خانكێ يا ئاواره‌يێن شنگالێ ده‌ست ب ده‌رێخستنا كارتا نشتيمانى بۆ ئاواره‌يان هاتيه كرن و ل هه‌موو كه‌مپان رۆژانه دێ 500 كارتێن نشتيمانى ئێنه دروستكرن و ئه‌ڤ پرۆسه‌يا دێ يا به‌رده‌وام بت.
ديار ژى كريه، ل ده‌مێن داهاتى و لدووڤ به‌رنامه‌كێ دارشتى دێ ئێته دانان ده‌ست ب وه‌رگرتنا مامه‌له‌يێن ئاواره‌يان ل ده‌رڤه‌ى كه‌مپان بۆ ده‌رێخستنا كارتا نشتيمانى دێ ئێته كرن.
ل رێككه‌فتى 16/12/2024ێ، وه‌كو ئێكه‌م قۆناغ ل كه‌مپا شاريا پرۆسه‌يا تۆمارکرنا زانیاریێن ئاواران بۆ ده‌رێخستنا كارتا نشتيمانى ده‌ستپێكر.