ناڤه‌ندا نووچه‌یان – سه‌ما
جۆره نه‌خۆشيه‌ك ب ناڤ كێلگه‌هێن ب خودانكرنا مريشكان ل ناحيا سنوونێ ل قه‌زا شنگالێ كه‌فتيه و چارەسەری بۆ نینە.
ده‌مێ پترى هه‌يڤه‌كێ يه، جۆره ڤايرۆسه‌ك كه‌فتيه ناڤ هنده‌ك كێلگه‌هێن مريشكان ل ناحيا سنوونێ و بوويه ئه‌گه‌رێ ژناڤچوونا ب ده‌هان مريشكان، ل دووڤ گۆتنا خودانێن كێلگه‌هان.
خودانێن كێلگه‌هان، داخوازێ ل جهێن په‌يوه‌نديدار دكه‌ن چاره‌سه‌رييه‌كێ بۆ ڤێ ئاريشێ ببينن.
ده‌رباره‌ى ئه‌گه‌رێن په‌يدابوونا جۆرێ ڤايرۆسى دبێژن؛ ئێك ژ گرنگترين سه‌ده‌مان نه‌بوونا جهه‌كێ تايبه‌ته بۆ ژناڤبرنا مريشكێن مراربووى، له‌ورا دهاڤێژنه جهێن نێزيك، پاشان سه‌يێن به‌ره‌ڵلا دخۆن، كو دبته ئه‌گه‌رێ به‌ربه‌لاڤبوونا ڤايرۆسى.
هه‌روه‌سا خودانێن كێلگه‌هان، دبێژن: چاڤدێرى ژلايێ لايه‌نێن په‌يوه‌نديدار نينه، ئه‌ڤه ماوێ هه‌يڤه‌كێ يه چ لايه‌كى دووڤچوونا ڤێ ئاريشێ نه‌كرييه.
ل گۆڕه‌ى نۆژداره‌كى ڤێته‌نه‌رى، ڤايرۆسێ باڵنده‌يان به‌رده‌وام خۆ دگهۆڕت و دبته سه‌ده‌مێ نه‌خۆشيان بۆ مرۆڤى، ل ڤێ داويێ ل عيراقێ جۆره‌كێ ترسناك بناڤێ (H5N1) به‌لاڤبوويه.