سالڤه‌گه‌ڕا دامه‌زراندنا بنگه‌هێ لالش تايێ خانكێ هاته ساخكرن
سه‌ما
بيره‌وه‌رييا 19ساليا دامه‌زراندنا بنگه‌هێ لالش تایێ خانکێ ب چه‌ند چالاكيان هاتە ساخکرن.
ل ڕۆژا چارشه‌مبوويێ 17ى تيرمه‌ها 2024ێ،ب ئامادەبوونا ڕێڤەبەرێ ناحیا خانکێ و ژمارەکا مامۆستا و ڕه‌وشه‌نبيران، تەوەرەکێ ڤەکری ل دۆر(بنگەهێ لالش چی کریە و چی بکەت ل دەڤەرێ)،ب هه‌لكه‌فتا 19هه‌مين ساليادا دامه‌زراندنێ هاته گێڕان.
دته‌وه‌رێ ڤه‌كرى دا باس ل ڕۆل و كار و چالاكيێن بنگه‌هێ لالش ل ده‌ڤه‌رێ هاته كرن.
پێخه‌مه‌ت بلندكرنا ئاستێ ڕه‌وشه‌نبيريێ گه‌نجان،بنگه‌هێ ناڤبرى ب ده‌هان چالاكيێن ڕه‌وشه‌نبيرى ئه‌نجامداينه و به‌رده‌وام كارژبۆ پێشڤه‌برنا بزاڤا ڕه‌وشه‌نبيرى ل ده‌ڤه‌رێ دكه‌ت.
بنگه‌هێ لالش تايێ خانكێ ل سالا 2005 هاتيه دامه‌زراندن و دبوارێ ڕه‌وشه‌نبيرى و كۆمه‌ڵايه‌تى دا خزمه‌تا خه‌لكێ ناحيا خانكێ دكه‌ت.
