ناڤەندا نووچەیان – سەما
سەرۆکێ حکومەتا هەرێما کوردستانێ ب هەلکەفتا ڕۆژا جیهانی یا کرێکاران پەیامەک ئاراستەی کرێکاران کر و تەکەزی ل پابەندبوونا حکومەتێ بۆ پاراستنا مافێن وان کر.
ئیرۆ ئینیێ، 1ـی ئەیارا 2026، مەسرور بارزانی، سەرۆکێ حکومەتا هەرێما کوردستانێ ب هەلکەفتا ڕۆژا جیهانی یا کرێکاران پەیامەکا پیرۆزباهییێ ئاراستەی کرێکاران کر و ڕایگەهاند: ل ڕۆژا جیهانی یا کرێکاراندا، گەرمترین پیرۆزباهییان ئاراستەی گشت کرێکارێن کوردستانێ و جیهان دکەم و هیڤییا ساخلەمی و پێشەرۆژێ بۆ ئەوان دخوازم.
دەقێ پەیاما سەرۆکێ حکومەتێ بۆ ڕۆژا جیهانی یا کرێکاران:
گەرمترین پیرۆزباهییان ئاراستەی هەموو کرێکارێن کوردستانێ و جیهانێ دکەم و هیڤییا ساخلەمی و بەختەوەرییێ بۆ وان دخوازم، وەستیان و ئەرک و کار و خەباتا کرێکارێن کوردستانێ، د پڕۆسەیا ئاڤەدانکرن و گەشەپێدانا ئابۆری یا هەرێما کوردستانێدا گەلەک ب بلند د نرخینم.
د ڤێ هەلکەفتێ دا، پابەندبوونا حکومەتا هەرێما کوردستانێ ب پاراستنا مافێن کرێکاران و باشترکرنا ڕەوشا ژیان و کارکرنا وان دوپات دکەینەڤە.
رۆژا جیهانی یا کرێکاران پیرۆز بت و ئۆمێدەوارم هەموو دەمان مافێن وان یێن پاراستی بن و دور بن ژ هەر جۆرە ستەم و بندەستییەکێ.
مەسرور بارزانی
سەرۆکێ حکومەتا هەرێما کوردستانێ
1ی ئەیارا 2026