ناڤەندا نووچەیان – سەما
ميرێ ئێزديان ل گه‌ل وه‌زيرێ ناڤخۆ يێ حكومه‌تا هه‌رێما كوردستانێ كۆمبوو و ره‌وشا ئێزديان گه‌نگه‌شه‌كرن.
دهه‌ڤديتنێ دا، مير حازم ته‌حسين به‌گ، ميرێ ئێزديان ل كوردستان، عيراق و جيهانێ و رێبه‌ر ئه‌حمه‌د، وه‌زيرێ ناڤخۆ يێ حكومه‌تا هه‌رێما كوردستانێ، چه‌ندين بابه‌تێن گرنگ يێن گرێدايى ب ره‌وشا ده‌ڤه‌رێ ڤه به‌حسكرن، هه‌روه‌سا باس ل بوويه‌رێن سووريێ و كاريگه‌رييا وان ل سه‌ر ره‌وشا ئێمناهيێ ل هه‌رێما كوردستانێ كر، زێده‌بارى ره‌وشا ب زه‌حمه‌ت يا جڤاكا ئێزدى تێدا ده‌رباز دبن ل وێ ده‌ڤه‌رێ.
ميرێ ئێزديان ئاماژه ب وێ چه‌ندێ دا، پێدڤيه پشته‌ڤانى و هاريكاريا ئێزديان بێته كرن، كو ل چه‌ند سالێن بۆرى دا تووشى ئاسته‌نگێن مه‌زن ببوون، ب تايبه‌ت دابينكرنا خزمه‌تگۆزاريێن سه‌ره‌كى و ڤه‌گه‌ريانا ئاواره‌يان ب سلامه‌تى بۆ سه‌ر ده‌ڤه‌رێن خۆ.
هه‌روه‌سا ره‌وشا شنگالێ ته‌وه‌ره‌كێ دى يێ كۆمبوونێ بوو، هه‌ردو ئاليان خواست هه‌ڤكارى دناڤبه‌را هه‌ولێر و به‌غدايێ دا خورتر ببت، ژبۆ بجهئينانا رێككه‌فتنێن هاتينه ئيمزاكرن ده‌رباره‌ى ئاڤه‌دانكرنا باژێرى و دابينكرنا خزمه‌تگۆزاريان بۆ خه‌لكێ.
هه‌ر دڤى چارچوڤه‌يى دا، جه‌خت ل سه‌ر گرنگيا هه‌ماهه‌نگيێ دناڤبه‌را لايه‌نێن په‌يوه‌نديدار هات كرن ژبۆ گه‌ره‌نتيكرنا ڤه‌گه‌ريانا ئاواره‌يێن ئێزدى بۆ سه‌ر زێدێ خۆ و دابينكرنا ژينگه‌هه‌كا ئارام و سه‌قامگێر بۆ وان.
ژلايه‌كێ دى ڤه، ميرێ ئێزديان و وه‌زيرێ ناڤخۆ دوپاتى ل سه‌ر پێكڤه‌كاركرنێ كر بۆ باشتركرنا ره‌وشا مرۆڤى و پێشكێشكرنا هاريكاريێ بۆ جڤاكێن زه‌ره‌‌رمه‌ندبوويى.
