ناڤەندا نووچەیان – سەما
ئیرۆ پێنج شەمبێ، 21ی ئەیارا 2026ێ، سەرۆک مەسعود بارزانی ل بارەگەهێ خۆ ل هەولێرێ پێشوازی ل میر حازم تەحسین بەگ، میرێ ئێزدییان و جڤاتا ڕۆحانی یا بلند یا ئێزدییان کر.
کەریم سلێمان، شێوەرمەندێ جڤاتا ڕۆحانی یا بلند یا ئێزدییان تایبەت بۆ سەما ڕاگەهاند: ئیرۆ پشتی نیڤرۆ میرێ ئێزدییان و جڤاتا ڕۆحانی ژ ئالییێ سەرۆک بارزانی ڤە هاتنە پێشوازی کرن و چەندین بابەتێن گرێدایی ب ڕەوشا جڤاکێ ئێزدی ڤە گوتۆبێژ کرن.
گۆت ژی: میرێ ئێزدییان چەندین داخوازییێن ئێزدییان ڕادەستی سەرۆک بارزانی کرن.
شێوەرمەندێ جڤاتا ڕۆحانی دیار کر، سەرۆک بارزانی ب هەموو شیانان پشتەڤانییا خۆ بۆ ئێزدییان دووپات کر.
هەروەسا شاندێ مێڤان سوپاسییا سەرۆک بارزانی کر کو هەردەم پشتەڤانێ ئێزدییان بوویە و خەمخۆرێ سەرفەرازی، ئێکرێزی و تەباییا دناڤبەرا ئێزدییان دا بوویە.