ناڤەندا نووچەیان – سەما
ئەحمەد شێخ كەنعان كێكى، سەرۆكێ فراكسيۆنا پارتى دیموكراتى كوردستان ل جڤاتا پارێزگەها نەینەوا، ب هەڤالینیا د. دلشاد عەلى، رێڤەبەرێ گشتى یێ ساخلەمیا نەینەوا، سەرەدانا قەزا شێخان كر و ژ لایێ سەردار شێخ یەحیا، قایمقامێ قەزایێ ڤە هاتنە پێشوازى كرن.
نڤيسينگهها ڕاگههاندنا سەرۆكێ فراكسيۆنا پارتى دیموكراتى كوردستان دياركر، د كۆمبوونێ دا د گەل ڕێڤەبەرێن فەرمانگەهێن خزمەتگۆزارى ل قەزایێ، گرنگترین پێدڤى، كێشە و داخوازيیێن گرێدايى ڕەوشا خزمەتگۆزارى ل شێخان و دەڤەرێن دەوروبەر گهنگهشه كرن.
ههروهسا د كۆمبوونێ دا، بهحس ل ڕەوشا كهرتێ ساخلەمييێ و خزمەتگۆزارييان هاتە كرن، ديسان ژ نێزیك ئاگەهداری ئاستێ خزمەتگۆزاريیێن كەرتێن باژێرڤانى، ئاڤ، ئاڤرێژ (مەجارى) و پەروەردێ بوون، زێدەبارى دووڤچۆنا ڕەوشا ناحیهيا زیلكان و گوندێن دەوروبەرێن قەزا شێخان.
تەوەرەكێ دى یێ كۆمبوونێ تایبەت بوو ب كەرتێ چاندنێ و ڕێيێن پشتەڤانیكرنا جۆتیاران، د گەل دوپاتى كرن ل سەر گرنگيیا ڤەكرنا سایلۆیان و ب داوى ئینانا بەرهەڤيیێن پێدڤى هەڤدەم دگەل نێزیكبوونا وەرزێ دروتنا دهخلودانى.
