ناڤه‌ندا نووچه‌یان – سه‌ما

دەستهه‌لاتا فڕۆکەڤانیا مه‌ده‌نی یا عێراقێ، د بەیاننامەیەکا فەرمی دا راگەهاند کو بڕیار هاتیە دان ب درێژکرنا داخستنا ئەسمانێ وەلاتی ب روویێ هەموو فڕۆکەیان دا بۆ ماوەیێ 72 دەمژمێرێن دی.

بڕیارا نوو ژ دەمژمێر 12:00ی نیڤرۆیا ئیرۆ ئێکشەمبوویێ دەستپێكرییه‌ و تا دەمژمێر 12:00ی نیڤرۆیا رۆژا چارشەمبوویێ دێ یا به‌رده‌وام بت، ئەڤ پێنگاڤه‌ وەک رێکارەکێ “خۆپارێزی یێ ده‌مكی” یە.

ل دووف بەیاننامەیا فڕۆکەڤانیا سڤیل، ئەڤ بڕیارە ل سەر بنەمایێ ئەڤان خالان هاتیە دان هەلسەنگاندنا بەردەوام بۆ بارودۆخێ ئەمنی یێ وەلاتی، ئارمانج ژی داكو پێشهات و ئالۆزیێن دەڤەرێ کو کارتێکرنێ ل سەر سلامەتیا گەشتان نه‌کەن.

هه‌روه‌سان ئاماژە ب وێ چەندێ ژی هاتیە کرن کو بڕیار دێ ب رەنگەکێ بەردەوام هێتە خواندن و هەلسەنگاندن دێ ل دووف رەوشا ده‌ڤه‌رێ بت

هەژی گۆتنێ یە کو ژ رۆژا 28ی شوباتێ ڤە، هەڤدەم دگەل دەستپێکرنا جەنگی، ئەسمانێ عێراقێ ب روویێ گەشتێن سڤیل دا هاتیە گرتن، ئەڤە چەندین جارە ئەڤ داخستنە دهێتە نووژەنکرن و هەر جارەکێ ژی بۆ ماوەیێ سێ رۆژان دهێتە درێژکرن.