عەلی خدێدا، کو ل دووماهیا سالا 2015ێ وەک پەنابەر گەهشتبووە ئەلمانیا، نەهێلا ئاستەنگێن غەریبیێ ببنە رێگر ل بەرامبەر خەونێن وی، وی پشتی بدەستڤەئینانا بڕوانامەیا بەکالۆریۆسێ ل زانکۆیا دهۆکێ، ل ئەلمانیا بەردەوامی ب خواندنا خۆ دا و پلەیا ماستەرێ ل زانکۆیا (دۆسلدۆرف) و پاشان پلەیا دکتۆرایێ ب پلەیا نایاب د زانستێن کیمیایێ دا ل زانکۆیا (سیگن) ب دەست ڤە ئینا.
دكتۆر عهلی پۆستێ رێڤەبەرێ پرۆژەیهكی ل ئێک ژ کۆمپانیێن ناڤدار یێن پیشەسازییا کیمیایێ ل ئەلمانیا بڕێڤە دبەت، ئەڤ چهنده ژی بۆ شارەزاییا وی یا زانستی و شیانێن وی یێن نایاب د زمانێن ئەلمانی و ئینگلیزی دا، کو وەک زمانێن سەرەکی د کارێ خۆ دا بکار دئینت.
چیرۆکا (عەلی خدێدا بابیرى) دبنە جهێ شانازیێ بۆ جڤاکێ ئێزدی و پەیامەکا بهێزە کو مرۆڤ ب کارێ گران و پێگریێ دكارت هەموو تەحەدیان بکتە دەلیڤەیێن زێرین بۆ سەرکەفتنێ.
