ناڤهندا نووچهیان – سهما
مير حازم تهحسين بهگ، ميرێ ئێزديان ل كوردستان، عێراقێ و جيهانێ، پێشوازى ل كۆمهكا كۆمهڵێن ڕهڤهندا كوردی ل ئەمریکا،کەنەدا و ڕووسیا كر.
شهمبوويێ، 22ـى چريا دووێ 2025، خالد نهرمۆ، شێوهرمهندێ جڤاتا ڕۆحانیا ئێزدیان، بۆ سهما ڕاگههاند: ل پهرستگهها لالش ميرێ ئێزديان پێشوازى ل كۆمهكا كۆمهڵێن ڕهڤهندا كوردی ل ئەمریکا، کەنەدا و ڕووسیا كر، د ڕوونشتنێ دا ڕهوشا ئێزدیان و ب تایبهتی یا شنگالێ و ژیانا ناڵهبار یا ئاواران دناڤ خیڤهتان دا و ڕهڤانديێن دناڤ دهستێ تیرۆرستێن داعشێ دا ماين گوتۆبێژكرن.
ئاماژه ب وێ چهندێ دا، ميرێ ئێزديان داخواز ژ ڕهڤهندێن كوردی كر د هاریكاربن بۆ چارهسهركرنا كێشهیێن ئێزدیان، ههروهسا ڕۆلێ وان د پێشخستنا كهیسا ئێزدیان دا ل جیهانێ بڵند نرخاند.
ل دهمێ جينۆسايدا ب سهرێ ئێزديان دا هاتى ل سهر دهستێ ڕێكخراوا داعش يا تيرۆرستى ل تهباخا 2014، ل وى دهمى ڕهڤهندێن كوردى ڕۆلهكێ كارا بۆناساندنا جينۆسايدا ئێزديان و دروستكرنا لۆبيهكى بۆ بۆ پشتهڤانى و هاريكاريكرنا خهڵكێ شنگالێ ههبوو.
ئهڤ سهرهدان گرنگن بۆ نيشاندانا جيهانێ كو ئێزدى پێكهاتهيهكا گرنگ يا مرۆڤايهتيێ نه و هشياركرنا جيهانێ بۆ جينۆسايدا ب سهرێ ئێزديان دا هاتى ل سهر دهستێ داعشێ و ناساندنا باوهرى و چاندا ئێزديان.
