ناڤهندا نووچهیان – سهما
ئيڕۆ چارشەمبوويێ، 12ـی چريا دووێ 2025، سەرۆک مەسعود بارزانی د پەیامهكێ دا پیرۆزباهييا سەرکەفتنا پرۆسەیا هەڵبژارتنێن پهرلهمانى ل هەموو وەلاتییێن کوردستانێ و عێراقێ كر.
د پەیاما سەرۆک بارزانى دا هاتييە “ب ههڵكهفتا سەركەفتنا پڕۆسەیا هەڵبژارتنێن جڤاتا نوونەرێن عێراقێ پیرۆزباهيێ ل وهڵاتیێن خۆشتڤيێن كوردستانێ و هەموو عێراقێ دكەم، هەروەسا پیرۆزباهییێ ل خێزانێن سەربلند یێن شەهید و پێشمەرگەیێن قارەمان و هەمی تەخ و چینێن کوردستانێ دکەم.”
سەرۆک بارزانی دبێژت “ل ڤێدهرێ دا ب پێدڤى دزانم سوپاسییا سەرکرداتی و ئەندام و کادر و جەماوەرێ پارتی، هەروەسا سازییێن ئەمنی و ئالییێن پەیوەندیدار بکەم. كە ب ماندووبوون و ب شهڤ و ڕۆژ سهقايهكێ ئارام و هێمن بۆ ئەنجامدانا پڕۆسەیا هەڵبژارتنان ڕەخساند.”
سەرۆک بارزانی هيڤى خوازت” ئەڤ هەڵبژارتنە و ئەنجام ببنە ئەگەر عێراق بکەفتە سەر ڕێکا خۆ یا ڕاست.”