ناڤه‌ندا نووچه‌يان – سه‌ما
ب به‌رهه‌ڤبوونا د. كاروان محه‌مه‌د سابير، ژ نڤيسينگه‌ها به‌ڕێز(مه‌سرور بارزانى) و سه‌عيد جردۆ، سه‌رۆكێ ده‌سته‌يا بلندا بنگه‌هێ لالش و ئه‌ندامێن ده‌سته‌يا بلند و به‌رپرس و ئه‌ندامێن ده‌سته‌كا رێڤه‌به‌را بنگه‌هێ لالش تايێ خانكێ، مه‌زنترين به‌ريكانا ره‌وشه‌نبيرى بۆ 365گه‌نجان هاته ئه‌نجامدان.
ئيرۆ شه‌مبوويێ 8ى شوباتا 2025ێ، ل ده‌مژمێر 2ى پشتى نيڤرۆ ده‌سته‌يا بلندا بنگەهێ لالش يێ رەوشەنبيرى وكۆمەڵايەتى ل دهۆكێ و بنگه‌هێ لالش تايێ خانكێ، بەريكانا لالش ” پرسيار و خەلات”، بۆ بۆ نێزيكى 500 گه‌نج ولاو، قوتابى و هنده‌ك فه‌رمانبه‌ران ل قوتابخانا ئاديان يا بنه‌ره‌ت سازكر.
ده‌رباره‌ى ئه‌نجامدانا ڤێ چالاكيێ، سه‌عيد جردۆ، سه‌رۆكێ ده‌سته‌يا بلندا بنگه‌هێ لالش په‌يڤه‌ك پێشكێشكر و تێدا ئاماژه دا گرنگيا ڤان جۆره چالاكيێن ره‌وشه‌نيرى و گۆت:” پێخه‌مه‌تى بلندكرنا ئاستێ ره‌وشه‌نبيريێ گه‌نج و لاو و قوتابيان و خورتكرنا په‌يوه‌نديێ دناڤبه‌را بنگه‌هێ لالش و ته‌خا گه‌نجان و زێده‌كرنا زانياريێن گشتى، بنگه‌هێ لالش ب ئه‌نجامدانا به‌ريكانا لالش پرسيار و خه‌لات رابوويه، كو دێ ل هه‌موو ده‌ڤه‌رێن ئێزديان ئێته ئه‌نجامدان”.
به‌ريكانه ژ 50 پرسيارێن ديرۆكى، ئايينى، نشتيمانى، وه‌رزشى و گشتى پێك دهات.
لدووڤدا به‌ريكانێ ده‌ستپێكر و پرسيار ل سه‌ر به‌شداربوويان هاتنه دابه‌شكرن و ب چاڤدێريا ئه‌ندامێن ده‌سته‌يا بلندا بنگه‌هێ لالش پرۆسه‌يا به‌رسڤدانا پرسياران ب ڕێڤه‌چوو.
ئێكه‌م جاره به‌ريكانه‌كا بڤى ئاوايى يا سه‌رنجڕاكێش بۆ گه‌نجێن ناحيا خانكێ دئێته ئه‌نجامدان، كو بوو جهێ دلخۆشيا به‌شداربوويان و خواستن ئه‌ڤ جۆره چالاكى دبه‌رده‌وام بن.
بەريكانا لالش ” پرسيار وخەلات” دێ ل هه‌موو ده‌ڤه‌رێن ئێزديان ئێته ئه‌نجامدان و ئارمانج ژێ خورتكرنا بزاڤا ره‌وشه‌نبيرى و بلندكرنا ئاستێ ره‌وشه‌نبيريێ قوتابى و گه‌نجانه.