ناڤهندا نووچهيان – سهما
وەزارەتا ناڤخۆ یا حكومهتا ههرێما كوردستانێ ڕۆکرنەك ل دۆر ئالۆزییێن دهڤهرا خەبات بەڵاڤكر و تێدا ئاماژه ب وێ چهندێ دا، هەر زوو ئهو كێشهيا هاتە سنۆردارکرن كو ژ ئهنجامێ ناکۆکییان د ناڤبەرا هندەک کەسان ل سەر کێشەیێن زەڤیان، ئالۆزی و نەئارامی ل دهڤهرا خهبات سهر ب پارێزگهها ههولێرێ دروستبوون.
دەقێ ڕاگەهاندنێ:
ژ ئەنجامێ ناکۆکییان د ناڤبەرا هندەک کەسان ل سەر کێشەیێن زەڤیان، ئالۆزی و نەئارامی ل دهڤهرا خهبات سهر ب پارێزگهها ههولێرێ دروستبوون و زیانێن گیانی و ماددی هەبوون. ب بزاڤێن ئالییێن پەیوەندیدار یێن حکومی و حزبی و هێزێن ئاسایشا ناڤخۆ، ئەو کێشەیە هەر زوو هاتە سنۆردارکرن و ب هاریکارییا خەلکێ دەڤەرێ دەڤەر ئارامبوویە و رێکارێن یاسایی بۆ چارەسەرییا ئاریشێ و سزادانا سەرپێچکاران دەستپێکرینە.
داخوازێ ل خەلکێ دەڤەرێ دکەين ب ئاخڤتنێن نەحەزان و هاندانا دەستێن گۆمانلێکری نەئێنە سەردابرن و بەردەوام بن ل سهر پابەندبوونا خۆ ب ڕێنمایێن ئاسایشێ و هاريکار بن بۆ نەهێلانا ئالۆزيان و سەقامگیریا وێ دهڤهرێ.
ئارامی و ئاسایشا هەموو دەڤەرێن هەرێما کوردستانێ د سەر هەموو تشتان دایە و رێک ب چ کەس و ئالییان نائێتەدان بۆ هەر مەرەمەکێ نەئارامییێ و ئالۆزیان پەیدابکەت، وەلاتییێن هەرێمێ پشتراستدکەت کو کوردستان هەر ب سەقامگیرترین ناوچە ل دەڤەرێ دێ مینت.