ناڤه‌ندا نووچه‌یان – سه‌ما

ئیڕۆ چارشەمبوویێ، 18ی ئا0دارا 2026، فەرمانگەها میدیا و زانیاری یا حکومەتا هەرێما کوردستانێ، چەند ڕێنمایی و هۆشداریەک ئاراستەیی هەموو دەزگەهێن ڕاگەهاندنێ یێن ناڤخۆیی و بیانی کرن و گەفێن وەرگرتنا ڕێکارێن توند دژی سەرپێچیکاران دکەت.

د ڕاگەهاندنا فەرمانگەهێ دا کو ب مەرەما پاراستنا ئاسایشا نیشتمانی و سەقامگیریا هەرێمێ هاتییە بەلاڤکرن، ئەڤ خالە هاتینە دیارکرن:

قەدەغەکرنا نهێنیێن سەربازی، بەلاڤکرنا هەر جۆرە پێزانین و نهێنیەکا سەربازی ب هەموو شێوەیان قەدەغەیە، ب تایبەتی ئەوێن خزمەتا نەیاران دکەن و زیانێ دگەهیننە ئاسایشا هەرێمێ.

قەدەغەکرنا وێنەگرتنا درۆنان، ب توندی وێنەگرتن یان بەلاڤکرنا دیمەنێن تێکشکاندنا درۆنان د ئەسمانی دا و نیشاندانا پاشمایێن وان قەدەغە کرییە؛ چونکی ئەڤ دیمەنە پێزانینێن تەکنیکی و مەیدانی یێن هەستیار ددەنە دوژمنی.