سه‌ما
ده‌رهێنه‌رێ ديارێ ئێزدى نه‌وزاد شێخانى پێشنيارا پرۆژه‌يه‌كێ مه‌زن يێ سينه‌مايى بۆ گه‌نجێن ئێزدييان دكه‌ت كو تێدا پشكدار ببن و پشكدارييێ د فێسته‌ڤالێن سينه‌مايى دا بكه‌ن.
ده‌رباره‌ى ئه‌ڤى پرۆژه‌يى نه‌وزاد شێخانى بۆ سه‌ما دبێژت: “من پرۆژەيه‌ک هەیە بۆ پێگه‌هاندنا گەنجێن ئێزدی ئانکو ژ باشيكێ و به‌حزانێ هەتا شنگالێ، پرۆژەيه‌كێ مه‌زنه و ژ چار یەکەیێن راهێنانێ پێکدئێت؛ بۆ نموونە یەکه‌يا راهێنانێ يا ژمارە ئێک ل شنگالێ، يا ژمارە دو شاریا، سێ ل شێخان و يا چارێ ل باشيك و به‌حزانێ بۆ دەمێ سێ هەیڤان.”
ده‌رهێنه‌رى رۆنكر ژى، “ئەڤ خۆلا راهێنانێ یا بەرفره‌هە، و ب ڕێیا وێ ڤە ئەم دێ گەنجان فێرى رێيا وێنەگرتنێ، شانۆگەری و ئەکته‌رییێ، مونتاژ، دەرهێنان و دەنگی کەین، هەروەسا ل هەموو بنگه‌هه‌كى راهێنانێ ئەم دێ كورته فلمەکێ چێکەین، و ئەڤە ب واتا وێ چەندێ کو مه دێ چار فلمێن کورت هەبن، ئەم دێ ب ڤان فلمان بەشدار بین ب پێشکێشکرنەکێ وەکو به‌ريكانێ، و دێ خەلات بۆ کەسێن ب داهێنان و بۆ فلمێ سەرکەفتی هەبن.”
ل دۆر ئارمانجا ئه‌ڤى پرۆژه‌يى، شێخانى ئاشكراكر: ئه‌ڤ تيپێن سینەمایی یێن ئەم دێ ئاڤا کەین، ئەم دێ فلمەکێ درێژ یان فلمەکێ کورت یێ رووایی ب پێکۆل و شارەزایی چێکەین، و ب ناڤێ ڤان نفشان و گەنجان ئەم دێ پێ بەشداربین د فێستیڤالێن سینەمایی دا، بێگۆمان، لێ ئەڤ پرۆژەیە پێدڤی ب پارەدان و تەمویلکرنێ و پشتەڤانیيێ هەیە.
ديار ژى كر، وەک هونەرمەندەکێ شێخان دەستکەفت، بزاڤ و بیرۆکەیێن خۆ پێشکێش دکەم، ئامادەمه بۆ ماوەیێ سێ هەیڤان ل جه‌م وە بمینم، لێ کى دگەل من دێ هەڤکاریيێ کەت بۆ خزمه‌تكرنا جڤاكێ ئێزدى.