ناڤهندا نووچهيان – سهما
چهند بڕيارێن نوو بۆ ڕێكخستنا تازى و داوهتان ل ناڤا ئێزدييان هاتنه دان و كهفتنه دوارێ بجهئينانێ دا.
ب مهرهما دانانا ڕێنمایێن جڤاكى بۆ کێمکرنا تێچۆ و ڕێکخستنا هندهک داب و نەریتان ل داوهت و ههلكهفتان دا، هۆزا ههسكان ل شنگالێ چهند بڕيارێن نوو يێن تايبهت ب هۆزێ ڤه دان.
ژ گرنگترين بڕيارێن بۆ داوهتان هاتينه دان:
1-نهختێ كچێ ل ناڤا عێراقێ و ژ دهرڤه بتنێ سێ مليۆن دينار بن.
2-قهدهغهكرنا بهلاڤكرنا شريناهييان ژ لايێ مالا زاڤاى ڤه دهمێ خهلكێ داخواز دكهنه داوهتێ.
3-خوارن بتنێ مريشك بن ل هۆلا داوهتێ.
4- ل دهمێ خوازگينيا ژمارهكا كێم يا كهسان بچن.
5- كچ و ژن نهچنه كوافێرێن ژ دهرڤهى سنوونێ.
6- هونهرمهند و وێنهگر ژ خهلكێ دهڤهرێ بن.
7- ل بهر خۆكرنا جلكێن نه لايق بۆ كچان ل هۆلا داوهتێ قهدهغهيه.
بڕيارێن تازييان:
1- ههر مالهك دێ 25ههزار ديناران بۆ مالا مرى دهت ل دهمێ تازى و سالێ.
2- ل دهمێ تازييهك چێدبت، ل سهر مالا داوهتێ بۆ ههيڤهكێ پاشبێخن.
3- ل دهمێ ژ زههمانى ڤهدگهڕن ژبلى ڕۆژا ئێكێ ڤهكوشتنا سهربران و دروستكرنا زادهكێ مهزن قهدهغهيهظ
4- ل دهمێ دچنه زههمانى بهلاڤكرنا شريناهييان ب سهر خهلكێ و ژنان ل سووكێ قهدهغهيه.
5- بتنێ سێ جۆرێن خوارنان ببنه زههمانى.
6- ل سهرێ مههێ يا مرى ب تنێ جيرانان داخواز بكهن.
ل دووڤ بڕيارێن هۆزا ههسكان ئارمانج ژ ئهڤان بڕياران كێمكرنا مهزاختيانه ل داوهت و تازييان.