سەرۆکێ پەرلەمانێ عیراقێ، هەیبەت حەلبووسی، د دوپاتکرنەوەیەکێدا راگەهاند کو ب چ رەنگان رێ ناهێتە دان دەست بۆ قوت و ژیارا خەلکی بهێتە درێژکرن، و پێدڤییە مافێن دارایی یێن فەرمانبەرێن هەرێما کوردستانێ بهێنە پاراستن.
حەلبووسی ئاماژە ب وێ چەندێ کر کو فەرمانبەرێن هەرێما کوردستانێ چو جوداهی دگەل فەرمانبەرێن پارێزگەهێن دی یێن عیراقێ نینە و گۆت:فەرمانبەرێ ل هەرێما کوردستانێ خزمەتێ دکەت، هەمان ئەو فەرمانبەرە یێ ل هەر پارێزگەهەکا دی یا عیراقێ ئەرکێ خۆ جێبەجێ دکەت، لەوما دڤێت ب ئێک چاڤ تەماشەی مافێن وان بهێتە کرن.
سەرۆکێ پەرلەمانی تهكهزی ل سەر وێ چەندێ کر کو نابت شایستەیێن دارایی یێن فەرمانبەران ببنە قوربانییا هەڤڕکی و کێشەیێن د ناڤبەرا لایەنێن سیاسی دا، وی ڕاگەهاند کو بۆ زامنکرنا مافێ هەموو لایەکی، پێدڤییە پەنا بۆ دەستوور و قانوونێ بهێتە برن دا چ غەدر ل فەرمانبەرێن هەرێمێ نههێته كرن.
