سه‌ما – ناڤه‌ندا نووچه‌یان

بناڤێ خودایێ مەزن و دلۆڤان

ب توندی ئیدانەیا وێ هێرشێ دکەم ئەوا ل سپێدەهییا ئیرۆ رێكه‌فتی 24/3/2026 ب مووشەکێن ئێرانی كرییە سەر بارەگەهێن هێزا پێشمەرگەیێ کوردستانێ، ب مخابنی ڤە، د ئەنجامدا هژمارەکا پێشمەرگەهێن قارەمان شەهید بوون و هژمارەکا دی ژی بریندار بوون، بەهی و سەرەخۆشیێن خۆ ئاراستەیی مالباتێن شەهیدێن وێ هێرشا نەرەوا دکەم و خۆ ب هەڤپشکێ خەما وان دزانم، هیڤیا باشبوونەکا بلەز بۆ برینداران دخوازم.
ئەو هێرشەكا دوژمنانەیە و چ هێجەتان ناگرت، ئەڤە بۆ جارا چەندێیە ئەڤ جۆرە هێرشە بێی ل بەرچاڤگرتنا بنەمایێن جیرانیێ و یاسایێن نێڤدەولەتی بەرامبەر هەرێما کوردستانێ دهێنە ئەنجامدان.
ئەڤە د دەمەکێ دایە کو هەرێما کوردستانێ نەبوویە پشکەک ژ ڤی شەڕێ نوکە یێ ل دەڤەرێ هەیی، چ جاران نەبوویە مەترسی بۆ سەر وەڵاتێن جیران.
پێشمەرگە عەزیزترین و ب بهاترین سەرمایەیا گەلێ مە یە.