ناڤەندا نووچەیان – سەما
ده‌رگه‌هێ ئه‌ندامبوونا بنگه‌هێ لالش بۆ گه‌نجێن ئێزدى هاتيه ڤه‌كرن، بەرپرسێ راگەهاندنا بنگەهێ لالش دبێژت:” سبه‌ى داوى ژڤانێ تۆماركرنێ يه و داخوازێ ل هه‌ر كه‌سه‌كى دكه‌ين خۆ نه‌كربته ئه‌ندام سه‌ره‌دانا تايى و نڤيسينگه‌هێن لالش بكه‌ت”.
ب رێيا تايى و نڤيسينگه‌هێن لالش ل هه‌موو ده‌ڤه‌رێن ئێزديان ده‌رگه‌هێ ئه‌ندامبوونێ بۆ گه‌نجێن ئێزدى هاتيه ڤه‌كرن.
ل ڕۆژا سێ شه‌مبوويێ 24ى كانوونا ئێكێ 2024ێ، كاروان باعه‌درى، به‌رپرسێ راگه‌هاندنا بنگه‌هێ لالش ل دهۆكێ بۆ سه‌ما راگه‌هاند: بۆ بتر پشتەڤانى یا گەنج و ئەكادیمیێن ئێزدى بۆ هندێ بتر دەلیڤە ل بەر وان یا ڤەكری بت، بريار هاتبوو دان تا 25ى ڤێ مه‌هێ دەرگەهێ ئەندامبوونێ ل تايى و نڤيسينگه‌هێن لالش ڤه‌كرى بمينت، بۆ هندێ كەسەكێ نەگەهشتی بێت ئەندامەتیبوونا خۆ نوو كەتە ڤە دەرفەتەكا دی بۆ چێكەت و وه‌رگرتنا ئه‌ندامێن نوو ل گۆڕه‌ى جوگرافيا ده‌ڤه‌رێ بوويه.
به‌رپرسێ راگه‌هاندنا بنگه‌هێ لالش دبێژت: لدووڤ ڤان مه‌رجان ئه‌ندامێن نوو دئێنه وه‌رگرتن، ئێك: دەرچوویێ ئامادەیى یان بلندتر بت, یان نڤیسین و ڤەکۆلین هەبت ل سەر ئۆلا ئێزدیا،دو: دوو وێنێن کەسایەتی یێن رەنگا و ڕەنگ دگەل ناسناما بارێ شارستانی بینت و دێ فۆرمەکا تایبەت پڕكه‌ن.
كاروان باعه‌درى، ل دۆر دائێخستنا ده‌رگه‌هێ ئه‌ندامبوونێ گۆت: لدووڤ بريارا ده‌سته‌يا بلندا بنگه‌هێ لالش سبه‌ى ڕۆژا چارشه‌مبوويێ 25-12-2024ێ، داوى ژڤانه بۆ وه‌رگرتنا ئه‌ندامان، ئه‌ڤجا داخوازێ ل هه‌موو گه‌نجێن ئێزدى دكه‌ين يێن بڤێن ببن ئه‌ندام سبه‌ى سه‌ره‌دانا بنگه‌هێ لالش ل ده‌ڤه‌رێن خۆ بكه‌ن.