ناڤهندا نووچهیان – سهما
ئيرۆ دووشەمبوويێ، 16ی ئادارا 2026، سەرۆک بارزانی ل 38هەمین سالیادا کیمیابارانکرنا هەلەبجەدا پەیامهك ل تۆڕا کۆمەلایەتی يا “ئێکس” بهلاڤ كر.
دەقێ پەیاما سەرۆک بارزانی:
تاوانا کیمیابارانکرنا هەلەبجە زولمهكا گەلەک مەزن بوو دژی گەلێ کوردستانێ؛ ل چ جهێن جیهانێ نەبوویە دەولەتەک وەلاتییێن خۆ ب چەکێ کیمیایی جینۆساید بکەت، بەلێ د ناڤ عێراقێ دا ئەو تاوانا مەزن دژی گەلێ کوردستانێ هاتە ئەنجامدان.
سەرەڕای وێ تاوانا درندانە، هێشتا ل عێراقێ کەسێن شۆڤێنی هەنە کو دژی مافێن گەلێ کوردستانێ نە. تاوانا هەڵەبجە و هەموو تاوانێن بۆری بەرپرسیارییەکا مێژوویی و یاسایی یە ل سەر ملێن عێراقێ و دڤێت قەرەبوویا گەلێ کوردستانێ بکەت.
د ڤێ یادێ دا، سلاڤان بۆ ڕوحا پاقژا شەهیدێن هەلەبجە و هەمی شەهیدێن کوردستانێ دهنێرین.