ناڤهندا نووچهيان – سهما
ئيڕۆ سێ شهمبوويێ 8-7-2025، ڕێكخراوا بهتريكور بۆ مافێ مرۆڤى ل شنگالێ، نووترين ئامارا قوربانيێن ئێزدى ل سهر دهستێ داعشێ ڕاگههاند و دبێژت: ناسنامهيا 274 جانگۆريان هاتيه ئاشكراكرن.
د ئامارا ڕێكخراوا بهتريكور بۆ مافێ مرۆڤى ل شنگالێ هاتييه، لژێر ڕۆشنایا پابەندبوونا بەردەوام بۆ بەڵگەنامەکرنا ڕاستی و بدهستڤهئينانا دادپەروەریێ بۆ قوربانیێن جینۆسایدا ئێزديان، تا نوكه رووفاتێن 274قوربانيان پشتى ژلايێ پزيشكيا داد ل بهغدايێ هاتينه وهرگرتن، ڕادهستى كهسوكارێن وان هاتينه كرن، ئهڤه ژى وهكو بهشهكێ پرۆسهيا ڤهگهڕاندنا ڕووفاتێن ل گۆڕێن بكۆم و تاكهكهسى ل شنگالێ هاتينه دهرخستن.
دووپاتكر، ئهڤ ژماره بهشهكێ كێم يێ قهبارهيێ وان تاوانان بهرچاڤ دكهت يێن ل دژى ئێزديان هاتينه ئهنجامدان.
ئاشكراكر: هێشتا ب دههان گۆڕێن بكۆم چاڤهڕێ نه بێنه هلدان و ب سهدان ڕووفاتێن هاتينه دهرێخستن ژ گۆڕێن بكۆم ل شنگالێ ژ ڕێككهفتى 15-3-2019، چاڤهڕێ پشكنينان دكهن و پاشى ڕادهستى كهسوكارێن وان بكهن.
پشتى ژناڤبرنا دەستههڵاتا ڕێکخراوا داعش يا تیرۆرستی، 93 گۆڕێن ب کۆم ل سنوورێ شنگال هاتنه ديتن و 53 گۆڕ هاتينه هڵدان.
نێزيكه 11ساڵ ل سهر جينۆسايدا ئێزديان ل سهر دهستێ داعشێ دهرباز ببن و هێشتا چارهنڤيسێ زێدهترى سێ ههزار ڕهڤاندييان يێ ديارنينه و زێدهترى 200ههزار ئاوارهيان دهربهدهرن و ل كهمپان ژيانا خۆ دبهنه سهر.