ناڤەندا نووچەیان – سەما
ئيرۆ شه‌مبوويێ 25ى كانوونا دووێ 2025ێ، جڤاتا روحانى يا بلند يا ئێزديان كۆمبوونا خۆ ب سه‌رپه‌رشتيا مير حازم ته‌حسين به‌گ، ميرێ ئێزديان كۆمبوو.
خالد نه‌رمۆ، شێوه‌رمه‌ندێ جڤاتا روحانى يا ئێزديان تايبه‌ت بۆ سه‌ما راگه‌هاند: پشتى جڤاتا روحانى راسپارده داينه مه‌زن و موختار و ريهسپيێن ئێزديان بۆ ماوێ هه‌فتيه‌كێ بۆچۆنێن خۆ ده‌رباره‌ى دياركرنا نه‌ختێ كچێ بده‌ن، ئيرۆ جڤاتا روحانى ب سه‌رپه‌رشتيا ميرێ ئێزديان و كه‌سايه‌تيێن ئێزديان كۆمبوو.
ده‌رباره‌ى ئه‌نجامێن كۆمبوونێ، شێوه‌رمه‌ندێ جڤاتا روحانى يا ئێزديان دبێژت:” پشتى ميرى بۆچۆنا ئێزديا وه‌رگرتى، برياردا 40 گڕامێن زێرى ل شوونا 75 گڕامان بۆ نه‌ختێ كچێ بێنه دياركرن”.
شێوه‌رمه‌ندێ جڤاتا روحانى يا ئێزديان گۆتژى: “ژبۆ دووڤچوونا داوه‌ت و داب و نه‌ريتێن ئێزديان و چه‌ند پرسێن دى يێن گرێدايى ب هه‌ڤژينيێ ڤه ژ ئاليێ كچ و كوڕان ڤه، ليژنه‌يه‌كا ياسايى دێ ئێته پێكئينان بۆ چاوانيا سه‌ره‌ده‌ريكرنێ دگه‌ل هه‌ر كێشه‌يه‌كێ”.
ژبه‌ر بلندبوونا به‌هايێ زيرى، ميرێ ئێزديان ئه‌ڤ برياره ده‌ركر وه‌ك خزمه‌ته‌ك بۆ جڤاكا ئێزديان ل وه‌لات و ژ ده‌رڤه‌ى وه‌لاتى كو دێ پێگيرى پێ ئێته كرن.