ناڤەندا نووچەیان – سەما
ئاواره‌يێن چيايێ شنگالێ ده‌ست ب ئاڤاكرنا خانيان كريه و ناڤه‌گه‌رنه سه‌ر جهـ و وارێن خۆ ل ناڤا شنگالێ دا.
ده‌مێ رێكخراوا داعش يا تيرۆرستى هێرشى قه‌زايا شنگالێ كرى، ب سه‌دان خێزانان خۆ گه‌هاندنه چيايێ شنگالێ و تا نوكه نێزيكى 800 خێزانان دره‌وشه‌كا په‌ريشان دا ل كه‌مپا سه‌رده‌شتێ ژيانا خۆ ده‌رباز دكه‌ن.
عه‌لى شه‌مۆ، ئێك ژ ئاکنجیێن كه‌مپا سەرده‌شتێ ل چیایێ شنگالێ بۆ سه‌ما گۆت: پشتی جینۆسایدا ئێزديان ل ته‌باخا سالا 2014ێ ل سه‌ر داعشێ، ئەم دگه‌ل ب سه‌دان خێزانێن دى ئاوارە بووینە چیایێ شنگالێ و تا نوکە ل وێده‌رێ ماينه،ژبه‌ركو خانیێن مە دخرابووینە و خزمه‌تگۆزارى ل ئاستێ پێدڤى نينن و ناڤەگەرینه ده‌ڤه‌رێن خۆ.
عه‌لى شه‌مۆ، دبێژت: “هنده‌ك خێزانێن ل چیایێ شنگالێ ناڤەگەرنە سەر جهێن خۆ، ژبەرکو ل چیایێ شنگالێ خانی ئاڤاكرينه”.
ل گۆڕه‌ى به‌رپرسێن شنگالێ، هێشتا پترى 70% ژێرخانه‌يا شنگالێ وێران مايه و باژار هاتيه تێكدان و مالێن خه‌لكێ ژى هاتينه خرابكرن و چ گاڤێن ئاڤه‌دانيێ ژلايێ حكومه‌تا عيراقێ ڤه ده‌ست پێ نه‌كريه.
ل هه‌مبه‌رى ڤه‌گه‌ريانا ئاواره‌يان بۆ شنگالێ، وه‌زاره‌تا كۆچ و كۆچبه‌رێن عيراقێ كۆژمێ 4 مليۆن ديناران وه‌كو مينحه‌يا ڤه‌گه‌ريانێ ته‌رخانكريه و ل لدووڤ گۆتنا ئاواره‌يان ئه‌و كوژمه يێ كێمه و نكارن دووباره خانيێن خۆ ئاڤه‌دان بكه‌ن.