ناڤەندا نووچەیان – سەما
ئیرۆ سێ شەمبێ، 26-5-2026،بابێ شێخ” شێخ عەلی شێخ ئەلیاس” پەیامەک ب هەلکەفتا جەژنا قوربانێ یا موسلمانان بەلاڤ کر و ڕاگەهاند، ئەڤ جەژنە ببتە ئەگەرێ بهێزکرنا گیانێ لێبۆرینێ، تەبایێ و پێکڤەژیانا ئاشتیانە د ناڤبەران پێکهاتەیا دا.
دەقێ پەیاما بابێ شێخ:
ب هەلکەفتا هاتنا جەژنا قوربانێ یا پیرۆز، کو دکەفتە رۆژا چارشەمبوویێ رێکەفتی (27/5/2026)، سەماحەتا بابێ شێخ، (شێخ عەلی شێخ ئەلیاس)، گەرمترین و جوانترین پیرۆزباهییان ئاراستەی تەڤایا برایێن موسلمان ل کوردستانێ، عیراقێ و جیهانێ دکەت.
هیڤیخوازین ژ خودایێ مەزن و دلۆڤان، ئەڤ جەژنە ببتە دەرگەهێ خێر، بەرەکەت و خۆشیێ بۆ هەموو مرۆڤایەتیێ د ڤێ گەردوونی دا، ب تایبەتی بۆ گەلێ عیراقێ و کوردستانێ. هەروەسا، ببتە ئەگەرێ بهێزکرنا گیانێ لێبۆرینێ، تەبایێ و پێکڤەژیانا ئاشتیانە د ناڤبەران پێکهاتەیا دا.
هیڤیا مە ئەوە ئەڤ هەلکەفتە ببتە دەستپێکا رۆژێن ئارامی و بەختەوەریێ بۆ هەموو مرۆڤدۆستان، و هەموو ل ژێر سێبەرا خێر و خۆشیێ دا بژین.
جەژنا وە پیرۆز بت و هەر د ئاڤادانیێ دا بن.
سەماحەتا بابێ شێخ
شێخ عەلی شێخ ئەلیاس
26/5/2026