لژنا بلند یا پارتیا دیموکراتا کوردستانێ بۆ هەلبژارتنێن خولا شەشێ یا پەرلەمانێ کوردستانێ ڕاگەھاندنەک دەربارەی ئاهەنگا کەرنەڤالا ئەڤرۆ یا باژێرێ دهۆکێ، کو بۆ پشتەڤانییا سەرکەفتنا لیستا ١٩٠ یا پارتیا دیموکراتا کوردستانێ هاتبوو ئامادەکرن بەلاڤ کریە ئەڤا ل خوارێ دەقا وێ یە:
ژبەر ئامادەبوونا هژمارەکا زۆر و بەرفرەهـ یا جەماوەرێ دلسۆزێ پارتیا مە ل ناڤ یاریگەها دهۆکێ، داخوازا لێبورینێ ژ وان دەهان هزار هاندەر و لایەنگرێن خوشتڤی یێن پارتیا مە دکەین، کو ژبەر زۆریا بەشداربوویان، دەرفەت بۆ وان نەهاتە ڕەخساندن و ل دەرڤەی یاریگەهێ مان و نەشیان بهێنە د ناڤ یاریگەهێ دا و پشکداریێ د وێ کەرنەڤالا مەزن دا بکەن، ل ڤێرێ دگەل سوپاس و پێزانینێن مە بۆ دلسۆزی و خەمخوارییا وان هێژیان و هەمی جەماوەرێ خوشتڤی یێ باژێرێ دهۆکێ و بادینان، داخوازا لێبورینێ لێ دکەین و هیڤییا سەرکەفتنێ بۆ وان دخوازین.
لیژنەیا بلند یا پارتیا دیموکراتا کوردستانێ بۆ هەلبژارتنێن خولا شەشێ یا پەرلەمانێ کوردستانێ
