ناڤهندا نووچهیان – سهما
ئیرۆ سێشەمبوویێ ڕێکەفتی ٢٤ی ئادارا ٢٠٢٦ێ، ل نەخۆشخانەیا ئازادی ل باژێرێ دهۆکێ، مامۆستایێ دێرین و خانهنشینكری (بەرەکات گارس دەربۆ) پشتی ململانێیەکا درێژ دگەل نەخۆشیێ د تەمەنێ ٦٥ سالیێ دا کۆچا داویێ کر و ل شنگالێ هاته ڤهشارتن.
خودێ ژێ ڕازی مامۆستا بەرەکات، خەلکێ کۆمەلگەها خانەسۆرێ یا سەر ب قەزا شنگالێ ڤە بوو، وی پتریا ژیانا خۆ بۆ خزمەتکرنا زانست و زانینێ تەرخان کربوو، ب تایبەت ل دەڤەرا شنگالێ و خانەسۆرێ کو وەک ستوونەکا سەرەکی یا پەروەردێ دهاتە هژمارتن، ناڤبری شارەزاییەکا تەمام د گۆتار و پڕۆگرامێن خویندنێ یێن ب هەردوو زمانێن کوردی و عەرەبی دا هەبوو، و ب دەهان نڤش ل سەر دەستێن وی هاتینە پێگەهاندن.
پشتی فرمانا ٧٤ێ ل شنگالێ و هێرشا تیرۆرستێن داعش ل سالا ٢٠١٤ێ، مامۆستا بەرهکات ژی وەک هزاران خێزانێن دەڤەرێ ئاوارەی پارێزگەها دهۆکێ ببوو و ل کۆمەلگەها شاریا ئاكنجی بوو.
خودێ ژێ ڕازی د ناڤ خەلکێ دەڤەرێ و دۆست و هەڤالێن خۆ یێن مامۆستا دا ب کەسایەتییەکێ نیشتیمانپەروەر، خودان رەوشت و دڵسۆز دهاتە ناسین.