ناڤەندا نووچەیان – سەما
ئیرۆ چارشەمبێ، 30ی ئەیلوولا 2026، میر حازم تەحسین سەعیدبەگ، میرێ ئێزدییان ل كوردستانێ، عێراقێ و جیهانێ و سەرۆكێ جڤاتا ڕۆحانی یا بلند یا ئێزدییان د دیدارەکێ دا ل وەلاتێ سویدێ ل گەل ژمارەیەکا ئەندامێن رەڤەندا ئێزدییان كۆم بوو.
د کۆمبوونێ دا، میرێ ئێزدییان تەکەزی ل سەر گرنگییا هەڤکاری و هەماهەنگییێ د ناڤبەرا ئێزدییێن وەلات و ژ دەرڤەی وەلاتی دا كر، دگەل پێدڤییا گۆهداریکرنا بۆچۆنێن ئێکودو.
هەروەسا میری ئاماژە ب ئێکخستنا هەموو بزاڤان كر بۆ گەهاندنا دۆسیە و ئازارێن ئێزدییان و جینۆسایدێ ل تەباخا 2014ێ بۆ جڤاكێ نێڤدەولەتی و دیار كر، ڕێکخستنا ناڤخۆیا جڤاكا ئێزدی بنەمایەکێ سەرەکییە بۆ ل گەل گۆهۆڕینێن ل جیهانێ ڕووددەن.
د پشکەکا دی یا ئاخفتنا خۆ دا میرێ ئێزدییان ل سەر رەوشا نوها یا عێراقێ و كوردستانێ ئاخفت و رۆناهی ئێخستە سەر داوی روودانێن دەڤەرێ.
بۆ زانین بەریا ئەڤێ سەرەدانێ میر ل گەل رەڤەندا ئێزدییان ل باژێرێ میونیخ ل ئەلمانيا کۆم ببوو و دئێتە چاڤەڕێكرن د دەمێن بێت دا سەرەدانا وەلاتێ نەرویژێ بکەت و ل گەل رەڤەندا وی وەلاتی کۆم ببت.
