ناڤەندا نووچەیان – سەما
سەرۆکێ باژێرڤانييا خانكێ، زانیاریيان ل سەر پڕۆسەیا دابەشکرنا پارچهيێن عهردى ئاشکرا دكهت.
حهسهن محهمهد، سەرۆکێ باژێرڤانييا خانكێ د داخويانيهكا تایبەت دا بۆ سهما ڕاگەهاند: ” ئهو فهرمانبهرێن ل سنوورێ ناحيهيا خانكێ، مافێ وهرگرتنا پارچهيێن عهردى ههيه و چهندين پارچه ب سهر فهرمانبهران دا هاتينه دابهش كرن.”
سەبارەت پێدانا پارچهيێن عهردى بۆ فهرمانبهرێن شنگالێ، حهسهن محهمهد ئاماژە ب وێ چهندێ کر، ئهو فهرمانبهرێن شنگالێ يێن سهر ب ههرێما كوردستانێ ڤه هاتينه دامهزراندن دێ ل سنوورێ ناحيهيا خانكێ پارچهيێن عهردى وهرگرن.
ل 27ـی ئادارا 2024ێ، د کۆمبوونا جڤاتا وەزیرێن هەرێما کوردستانێ دا، ل سەر فەرمانا مەسرور بارزانی، سەرۆکێ حكومهتا هەرێما کوردستانێ، بڕیار هاتە دان ب دابهشكرنا عەردی (زەڤی) ب سەر هەموو ئەوان فەرمانبەرێن کو مفادار نهبووين ژ وەرگرتنا عەردی.
ناحيهيا خانکێ سەر ب قەزا سێمێلێ ل پارێزگەها دهۆکێ ڤهيه. ژ لایێ خزمهتگۆزارييان ڤە، گەلەک گەشە کرییە و چەندین پڕۆژەیێن خزمەتگۆزاری لێ هاتینە ئەنجامدان.