ناڤه‌ندا نووچه‌يان – سه‌ما
هنارتييێ تایبەت یێ ئەمریکا بۆ کاروبارێن عێراقێ ڕاگەهاند؛ ئێكڕیزی بۆ هەبوونا حکومەتەکا بهێز ل هەرێما کوردستانێ، پشکەکا گرنگ و بنەڕەتییە بۆ عێراقەکا بهێز و سەقامگیر.
ئيڕۆ سێشەمبێ، 10ـى چريا دويێ 2026، تۆم باراک، هنارتييێ تایبەت یێ ئەمریکا بۆ کاروبارێن عێراقێ، د پەیامەکێ دا ل هەژمارا تۆڕا جڤاکی یا ئێکس ئاماژە ب پەیوەندیا خۆ یا تەلەفۆنی دگەل مەسرور بارزانی، سەرۆکوەزیرێن هەرێما کوردستانێ کر، کو پشتی سەرەدانا وی بۆ بەغدا هاتبوو ئەنجامدان.
د پەیاما تۆم بەڕاکی دا هاتییە؛ ئێكڕیزی و ئێكگرتنا حکومەتەکا بهێز ل هەرێما کوردستانێ، پشکەکا گرنگ و بنەڕەتییە بۆ عێراقەکا بهێز و سەقامگیر.
هنارتييێ تایبەت یێ ئەمریکا ئاماژە ب هەولێن سەرۆکوەزیرێن هەردو لایان کر و نڤیسییە: “مەسرور بارزانی، سەرۆکوەزیرێن هەرێما کوردستانێ و عەلی زەیدی، سەرۆکوەزیرێن عێراقێ ئيڕۆ ئەو سەرکردایەتییە نیشان دا.”
تۆم بەڕاک دووپاتکر، واشنتۆن دێ بەردەوام بت ل سەر پشته‌ڤانیکرنا هەولێر و بەغدا و گۆت: “ویلایەتێن ئێكگرتی یێن ئەمریکا ل تەنشت هەردو لایان دوەستن د دەمەکێ دا کو پێکڤە کار دکەن بۆ بەیاتکرنا عێراقەکا گەشەسەندوو و خودان سەروەری.”