ناڤهندا نووچهیان – سهما
ژ ئهگهرێ پێلا باران بارینا بێهێز و بهردهوام یا رۆژێن دهربازبووی، رێكا سهرهكی یا جووتسایدێ ئالۆكا بۆ بهدریكێ پێكڤه گرێددهت، تووشی زیانێن مهزن بوویه و چهندین چاڵ و كۆره د ناڤ جادێ دا پهیدابووینه.
ل دووڤ زانیاریێن گههشتینه كهنالێ سهما تیڤی، ب ئهگهرێ ڤان چاڵان چوون و هاتن ل سهر ڤێ رێكێ یا ب زهحمهت كهفتی، ئاماژه ب وێ یهكێ ژی هاته كرن كو ب دههان ئۆتۆمبێل تووشی زیانان بووینه و تایهرێن وان تهقینه، ئهڤ چهنده ژی بوویه مهترسی ل سهر گیانێ شۆفێر و وهلاتیان.
رێڤهبهریا چاكسازی و پاراستنا رێك و پران ل پارێزگهها دهۆكێ هۆشداری دایه ههموو شۆفێران كو د ڤان رۆژان دا ب گهلهك هۆشداری ڤێ رێكێ بكاربینن. ئهڤ هۆشدارییه ب مهرهما پاراستنا سلامهتییا گهشتیاران و دووركهفتن ژ روودانێن هاتن و چۆنێ هاتیه راگههاندن.
ل دۆر چارهسهركرنا ڤێ كێشێ، لایهنێن پهیوهندیدار دیار كرینه كو پشتی ب دوماهی هاتنا ڤێ پێلا بارانێ یا كو ئیرۆ رۆژا پێنجشهمووبێ پارێزگهها دهۆكێ ڤهگرتی، تیمێن وان دێ دهست ب سهخبێریكرنا رێكێ و پڕكرنا چاڵان كهن.
ههتا وێ گاڤێ، داخواز ژ خهلكێ دهڤهرێ و شۆفێران دهێته كرن كو بۆ پاراستنا گیان و مالێ خۆ، ب سهرهدهریهكا هۆشیارانه ل سهر ڤێ رێكێ هاتنوچۆنێ بكهن.