ناڤه‌ندا نووچه‌يان – سه‌ما
په‌رله‌مانتاره‌كا ئێزدى ل ئه‌نجوومه‌نێ نوونه‌رێن عيراقێ دخوازيت وه‌زيرێ ناڤخۆيا عيراقێ بۆ په‌رله‌مانى بێته گازيكرن و ئه‌گه‌رێن بجهنەئینانا رێککەفتنا شنگالێ به‌حس بکەت.
د. ڤیان دەخیل، ئەنداما پەرلەمانێ عيراقێ راگەهاند، ب ڕێکا نڤیسارەکێ مە داخواز ژ پەرلەمانێ عيراقێ کریە د ڕوونشتنەکا پەرلەمانی دا وەزیرێ ناڤخۆ بەرهەڤ بت و ئەگەرێن بجهنەئینانا رێککەفتنا شنگالێ ئه‌وا دناڤبه‌را حكومه‌تا به‌غدا و هه‌ولێرێ دا هاتيه ئيمزاكرن ئاشکرا بکەت ب تایبەتی خالێن گرێدایی ب رەوشا شنگالێ ڤه.
هه‌روه‌سا دياركريه، پێدڤيه باس ل ئەگەرێن گیرۆبوونا دامەزراندنا 350 پۆلیسێن شنگالێ بکەت، كو ئەڤە چەندین سالن ڕەزامەندی هەیە و هێشتا نەهاتینە دامەزراندن.