ناڤەندا نووچەیان – سەما
هەر د بەردەوامییا کارنامەیا خۆ دا ل بەغدا، ئێڤارییا ئیرۆ سێ شەمبوویێ 5ی ئەیارا 2026، نێچیرڤان بارزانی، سەرۆکێ هەرێما کوردستانێ، دگەل خالد سەیدۆ، نوونەرێ کۆتایا ئێزدییان و نوونەرێن پێکهاتەیێن فەیلی و سابیئەی مەندائی ل ئەنجومەنێ نوونەرێن عێراقێ کۆم بوو.
ل گۆڕەیی ڕاگەهاندنا سەرۆکاتییا هەرێمێ، د کۆمبوونێ دا ڕەوشا پێکهاتەیان ل عێراقێ و هەرێما کوردستانێ گەنگەشەکرن و تەکەزی ل سەر گرنگییا مسۆگەرکرنا پشکداریا وان یا کارا د پرۆسەیا سیاسی دا و ب دەستڤەئینانا مافێن وان یێن دەستووری هاتە کرن.
نێچیرڤان بارزانی پشتەڤانییا خۆ یا بەردەوام بۆ مافێ هەموو پێکهاتەیان دوپات کر، هەروەسا ڕاگەهاند کو هەر تشتێ د شیانان دا بت دێ ئەنجام دەن بۆ پشکداریکرنا وان د پرۆسەیا سیاسی و کارگێڕیا وەلات دا، کو ئەڤ چەندە دبتە ئەگەرێ جێگیربوونا سەقامگیریا سیاسی و پرەنسیپێن دادپەروەری و یەکسانیێ.
ژ لایێ خۆ ڤە، نوونەرێن پێکهاتەیان ژی سوپاسی و پێزانینێن خۆ بۆ پشتگیرییا بەردەوام یا نێچیرڤان بارزانی بۆ ماف و شایستەیێن وان دوپات کر.