سه‌ما
نێزیکی چار رۆژایە گەنجەکێ ئێزدى خه‌لكێ شنگالێ ب ناڤێ (باسل خدر حه‌جى حه‌مدان) ل وه‌لاتێ ئه‌لمانيا یێ بەرزەیە، هەتا نۆکە نەهاتیە دیتن و لێگەریان ل ناڤبری يا به‌رده‌وامه.
به‌ره‌كات حه‌جى، مامێ گه‌نجێ بەرزەبووی بۆ سه‌ما گۆت:” ل ئێڤاریا ڕۆژا چارشه‌مبوويێ 14/8/2024ێ، برازايێ وى يێ ته‌مه‌ن 16 سالى ل ده‌مژمێر نه‌هێ ب شه‌ڤێ ل باژێرێ زيكبۆرك ژمال دەرکەفتیە و هەتا نۆکە ڤەنه‌گەریایە مال، به‌رى ده‌ركه‌ڤت گۆتبوو بابێ خۆ دێ چته مالا مامێ خۆ ل باژێرێ كۆلن به‌لێ نه‌چوويه مالا وى ژى و ل بانۆڤا كۆلن په‌يوه‌ندى دگه‌لدا نه‌مايه”.
گۆت ژى: :مالا وان و برازايێ وى چوو ئاریشە دگەل کەسەکێ نینە و مە هەموو لایەنێن پەیوەندیدار ژی ئاگەهدار کرینه،هه‌تا نۆكه چوو زانيارى ل سه‌ر نينن و يێ بێ سه‌ر و شوونه.