پەیاما مەسرور بارزانی دەربارەی هێرشا لسەر پێشمەرگەی ئازار 24, 2026ئازار 24, 2026 ناڤهندا نووچهیان – سهما مهسرور بارزانی سهرۆكێ حكومهتا ههرێما كوردستانێ، هێرشا لسەر بارەگههێن پێشمەرگەی ئیدانه و شهرمهزار دكهت کو د ئەنجامدا 6 پێشمەرگە شەهید و 30 پێشمەرگەیێن دی ژی بریندار بوون. دەقێ پەیامێ: ئەم هێرشا دوژمنکارانە و غەدر و خیانەتا شەڤا دەربازبووی بۆ سەر بارەگههێن پێشمەرگەی شەرمەزار دکەین، کو د ئەنجامدا 6 پێشمەرگەیێن قههرەمان شەهید بوون و 30 پێشمەرگە ژی بریندار بوون. سەرەخۆشیێ ل کەسوکارێن سەربلندێن شەهیدان دکەم و هیڤیا شیفایهكا بلەز بۆ برینداران ژ خودێ مەزن دخۆازم. ئەم دێ هەموو رێکاران بۆ بەرهنگاربوونا ڤێ دوژمنکارییا ل دژی هەرێما کوردستانێ هێتە کرن گرینە بەر، و داخوازێ ژ حکومەتا فیدرال و جڤاکێ نێڤدەولەتی دکەین کو سنوورەکی بۆ ڤان هێرشێن دوژمنکارانە یێن لسەر هەرێما کوردستانێ دانن.
