ناڤهندا نووچهیان – سهما
ئیڕۆ ١٤ی ئادارێ، د دیرۆکا نەتەوەیا مە دا ڕۆژەکا پڕشنگدار و پڕی شانازییە. ل ڤێ ڕۆژێ دا، ١٢٣ ساڵان بهری نۆکە، ل 14/3/1903 ڕێبەر و بابێ ڕوحیێ نەتەوەیا کورد مەلا مستەفا بارزانی ل گوندێ بارزان ژدایک بوو.
ل ١٢٣ سالیادا ژدایکبوونا جەنابێ بارزانیێ نەمر، ئەم دوپات دکەین کو ڕێبازا وی هەردەم چرايێ ڕێیا مە یە بەرەو ئازادیێ. بارزانی نە تەنێ سەرکردەیەک بوو، بەلکو ناسنامە و ئیرادەیا مللەتەکی بوو.
بابێ رۆحیێ نهتهوا كورد سەرکردە و ئیراده و ئۆمێدا مللهتی بوو ژبهركو کو ژیانا خۆ هەموو کرە قوربانی پێخەمەت شکۆ و سەرفەرازییا مللەتێ خۆ و ناڤێ کورد و کوردستانێ ل جیهانێ ناساند.
بارزانیێ نەمر، قۆتابخانەیا نەتەوایەتیێ و سیمبولێ خۆڕاگریێ بوو، وی د سەختترین قۆناغێن بێهیڤیبوونێ دا، ئیرادەیا گەلێ کورد کۆمکر و شۆڕشێن مەزنێن ئەیلول و گولانێ ڕێبەرایەتی کرن، داکو بسەلمینیت کو چ زۆرداری و داگیرکاری نكارن ئیرادەیا گەلەکێ ئازادیخواز بشکێنن.
د ڤێ یادا پیرۆز دا، ئەم دووپات دکەین کو ڕێبازا بارزانی نەمر، ئهڤ ڕێبازه دێ بهردهوام بت، و ل سهر ڤێ رێكێ پاراستنا ئاخا پیرۆزا کوردستانێ هاتییە ئاڤاکرن، هەردەم دێ مینت چرايەکێ گەش ژبهركو ڕێیا مە بەرەف پاشەڕۆژەکا گەشتر و ئارامتر ڕۆهن دکەت.
سەلماندنا وەفاداریێ بۆ بارزانیێ نەمر، د پاراستنا دەستکەفتیێن نەتەوەیی و پاراستنا قەوارێ هەرێما کوردستانێ دایە، ئەو دەستکەفتیێن ب خوینا هزاران شەهیدان و خەباتا چەندین سالان ب دەست هاتین.
تێ زانین پشتی وهغهركرنا بارزانی، میراتهكێ پڕ ژ شانازی و دهستكهفت ژ خهبات و بهرخودانێ بۆ گهلێ مه ل پشت ما.
هزار سلاڤ ل گیانێ پاکێ بابێ ڕوحیێ نەتەوەیا کورد بارزانیێ نەمر و کاک ئیدریسێ هەردەم ساخ، هزار سلاڤ بۆ گیانێ پاکێ هەموو شەهیدێن ڕێیا ڕزگاریا کوردستانێ.
ههروهسان بارزانیێ نهمر ههردهم د پهیڤێن خوه دا تهكهزی ل سهر ڕهسهنایهتییا ئێزدییان كرییه، گۆتییه كوردێن ڕهسهن ئێزدینه و پشتهڤانێ ئێزدییان بوویه.
کوردستان هەر ئاڤەدان و سەرفەراز بت.
دهستهكا بلندا بنگههێ لالش یێ ڕهوشهنبیری و كۆمهلایهتی/دهۆك
14ـی ئادارا 2026