ب هەلکەفتا هاتنا جەژنا نەورۆزێ و سەرسالا نوی یا کوردی 2726، گەرمترین پیرۆزباهیان ئارهستەی بنەمالێن سەربلندێن شەهیدان، پێشمەرگێن قههرەمان و هەموو خەلکێ خۆشتڤیێ کوردستانێ ل ناڤخۆ و ژ دەرڤەی وەلاتی دکەین، و هیڤیا خوشی و شادیێ بۆ وان دخوازین.
نەورۆز کو جەژنا ئازادیێ و هێمایا سەرکەفتنا ڕوناهیێ یە ب سەر تاریاتیێ دا، بلا ببتە دەستپێکەکا نوی بۆ نووژەنکرنا بیر و ڕامانێن مە، و هاندەرەک بۆ ب هێزکرنا گیانێ تەبایی، ئومێد و گەشبینیێ د ژیانا مە هەمیان دا.
هیڤیدارین ئەڤ جەژنە ببتە ئەگەرێ خێر و ئارامیێ بۆ هەمی لایەکی، و ئاشتی و برایەتی ب سەر وەلاتێ مە دا بکێشت و ببتە هوکارێ پاراستنا دەستکەفتێن کوردستانێ.
