ناڤه‌ندا نووچه‌یان – سه‌ما

ب مەرەما رێگریگرتن ل کۆمبوونا ئاڤا بارانێ و پاراستنا جاددەیێن گشتی، تیمێن تەکنیکی یێن سەرۆکاتیا باژێرڤانیا شێخان ب شێوەیەکێ مەیدانی دەست ب ئەرکەکێ بەرفرەهـ کریە بۆ پاقژکرن و ڤەکرنا مەنهۆلێن ئاڤرۆ ل سەر جاددەیێن ناڤا سەنتەرێ قەزایێ.

ئەڤ هەوڵە پشتی وێ چەندێ دهێت کو ل هندەک جهان ب ئەگەرێ گرتنا مەنهۆلان، ئاڤ ل سەر جاددەیان دپەنگی و دبوو ئەگەرێ دروستبوونا ئاستەنگان بۆ شۆفێر و وەلاتیان، کارمەندێن باژێرڤانیێ ب هەموو کەرەستێن پێدڤی ڤە یێن د ئەرکێ خۆ دانە دا کو چو ئاریشێن ئاڤ پەنگینێ(كۆمبوونێ) ل ناڤا کۆڵان و جاددەیێن سەرەکی نەمینن.

سەروکاتیا باژێرڤانیێ د هەمان دەم دا داخوازێ ژ وەلاتیێن خۆشتڤی یێن قەزا شێخان دکەت کو پشتبەست ب رێنمایێن ژینگەهێ، پاشماوە و گلێشی نەهاڤێژنە ناڤا مەنهۆلان دا داکو تۆڕێن ئاڤرۆ نەهێنە گرتن و سیستەمێ ئاڤرۆ ب شێوەیەکێ رێکوپێک کار بکەت.