ناڤهندا نووچهیان – سهما
سەرۆکێ یانەیا وەررزشی یا زاخۆ، عەمار فەرهاد، د لێدوانەکێ دا سوپاسی و پێزانینێن خۆ ئاراستەی جڤاکێ ئێزدی و کەنالێ ئاسمانی یێ سەما تیڤی کرن، ب مەرەما وێ پشتەڤانییا مەزن یا پێشکێشی یانێ کرین د ههڤركییا ب دەستڤەئینانا خەلاتێ “باشترین پشتەڤان – زهبهیست” دا.
عەمار فەرهاد ڕاگەهاند کو سەرکەفتنا یانەیا زاخۆ د ڤێ بوارێ دا بەرهەمێ ئێکگرتنەکا نیشتیمانی و وەرزشی بوو، و گۆت: “ئەز سوپاسییا هەموو خوشک و برایێن ئێزدی و کەنالێ سەما دکەم کو د دژوارترین قۆناغ دا دەستێ خۆ د دەستێ مە کر و بوونە پالپشتەکێ ب هێز بۆ یانەیا زاخۆ.”
پێشڤەچوونا تیمێ و بەرهەڤی بۆ قارەمانییان…. سەبارەت ئاستێ تیمێ، سەرۆکێ یانێ ئاماژە ب وێ چەندێ کر کو تیم د قۆناغەکا گەلەک باش دایە و گۆت: “تیما مە ل ئاستەکێ بلند دایە و ڕۆژ ب ڕۆژ بەرەڤ پێشڤە دچت، ئەم ب گەشبینی تەماشەی پاشهرۆژا یانێ دکەین و هیڤیدارین ئەنجامێن دلخۆشکەر د قارەمانییێن بهێت دا بۆ جەماوەرێ خۆ ب دەستڤە بینین.”
عەمار فەرهاد دوپات کر کو یانەیا زاخۆ هەردەم د ئامادهباشییا تهمام دایه بۆ هەر قههرەمانییەکێ، و کار دکەین دا کو ناڤێ زاخۆ ل سەر ئاستێ وەرزشی ب بلندی بمینت.