ناڤەندا نووچەیان- سەما
بابا شێخ”شێخ عەلی شێخ لیاس” ئێرشا ل سەر مالا سەرۆکێ هەرێما کوردستانێ، ب توندی ئيدانه و شهرمهزار دکهت و دبێژت: ئهڤه کارەکێ مەترسیداره بۆ سەر ئاسایيش و سەقامگیریا هەرێما کوردستانێ.
ئێك شهمبوويێ، 28ـی ئادارا 2026، بابا شێخ”شێخ عەلی شێخ لیاس” ڕاگەهاندنهك بهلاڤ کر و تێدا هاتييە، ئەڤ ئێرشە کارەکێ نەرەوایە و ئارمانج ژێ تێکدانا ئاشتییا جڤاکی و سەقامگیریا هەرێمێ و دەڤەرێ ب گشتی یە، ئاماژە ب وێ چەندێ ژی کر “ئەڤ دەستدرێژییە تنێ نە ل دژی کەسایەتییا سەرۆكێ ههرێمێ یە، بەلکو گەفە ل سەر ئاسایيش و سلامەتییا هەموو گەلێ کوردستانێ.”
هەروەسا بابا شێخ ڕۆلێ نێچيرڤان بارزانى، سەرۆکێ ههرێما كوردستانێ بلند نرخاند وەک کەساتیيەکێ ئاشتیخواز و “پرهکا پەیوەندییان” د ناڤبەرا ئالیێن جودا یێن عێراقی و هەرێمی دا، و دیار کر کو بزاڤێن وی هەردهم بۆ بهێزکرنا لێکتێگەهشتنێ بووينە.
ئەڤ جۆرە کارە بزاڤێن دروستكرنا فتنێ و گەرمکرنا هەڤڕکییانه، و تێکدانا وێ سەقامگیریا کو هەرێم تێدا دژیت، هەر کریارەکێ كو زیانێ ب ئاسایشا گشتی بگەهينت یان کار بکەتە سەر تێکدانا پرۆسهيا پێکڤەژیانێ ڕهت دكهين.
ژ خودێ دخوازين گەلێ کوردستانێ و عێراقێ بپارێزت، و نیعمەتا ئاسایش و ئاشتیيێ بەردەوام بکەت، و سەرۆکێ ههرێما كوردستانێ نێچیرڤان بارزانی ژ هەموو بەڵا و نەخۆشییان دوور بێخت.
بابا شێخ
شێخ عەلی شێخ لیاس
29ى ئادارا 2026