ناڤەندا نووچەیان – سەما
جڤاتا ئێزديیێن سووریا ب توندترین شێوە ئێرشا تیرۆرستی یا ب ڕێيا درۆنان بۆ سەر مالا نێچیرڤان بارزانی، سهرۆكێ ههرێما كوردستانێ شەرمزار دکەت. هەروەسا، دیارکرنا نەرازيبوونا خۆ یا توند ل دۆر ئارمانجکرنا هێزێن پێشمەرگەی و گوندێن ئارام یێن کوردستانێ و دامەزراوەیێن گرنگ ڕادگەهینت.
د پهيامێ دا جڤاتا ئێزديیێن سووریا دبێژت: ئەڤە وەک پێشهاتەکا مەترسیدار دئێتە هەژمارتن کو ژ سالا 2003ێ وەرە ب ڤی ڕەنگی نەبوویە، و ئارمانج ژێ تێکدانا ئاسایيشا دەڤەرێ و کێشانا عێراقێ یە بۆ ناڤ ململانێیەکێ کو گەفێ ل سەقامگیریا هەرێمێ و دهڤهرێ ب گشتی دکەت.
ئەم وهكو جڤاتا ئێزدیيان، ئەڤان ئێرشێن بۆ سەر سمبۆل و دامەزراوەیان ب بنپێکرنەکا ئاشکرا یا هەموو بەها و یاسایێن نێڤدەولەتی و مرۆڤاتی دبینین.
د هەمان دەم دا، ئەم دەستخۆشيیێ ل هەلوهستێ بەرپرسانە یێ جەنابێ سەرۆک مەسعود بارزانی دکەین، و ڕۆلێ وی یێ ئاشتیخواز و سەرەکی د پاراستنا ئاسایيش و سەقامگیریێ دا، نە تنێ ل هەرێما کوردستانێ بەلکو ل سەرانسەری عێراقێ و دەڤەرێ بلند د نرخینین. هەروەسا پشتهڤانييا خۆ یا تەمام بۆ سهركردايهتى و گەلێ هەرێما کوردستانێ دوپات دکەینەڤە.
جڤاتا ئێزدیيێن سووریا
29/3/2026