ئەگەر هەیە دەواما زانکۆیان ببیتە ئۆنلاین؛ زانکۆیا پۆلیتەکنیک ل دهۆکێ خۆ بەرهەڤ کریە
سەما / تایبەت
بەرپرسێ ڕاگەهاندنا زانکۆیا پۆلیتەکنیک ل دهۆکێ ئاشکرا کر کو هەموو بەرهەڤی بۆ سیستەمێ خواندنا ئۆنلاین هاتینە کرن، ب مەرجەکێ وەزارەتا خواندنا بلند و ڤەکۆلینێن زانستی بڕیارێ ل سەر بدەت.
سەرکەفت ڕەشید، بەرپرسێ ڕاگەهاندنا زانکۆیا پۆلیتەکنیک ل دهۆکێ، د لێدوانەکا تایبەت دا بۆ “سەما” ڕاگەهاند: “ئامادەکاریێن تەمام بۆ خواندنا ئۆنلاین هاتینە کرن، و ل هەر دەمێ وەزارەتا خواندنا بلند بڕیارێ بدەت، ئەم یێ بەرهەڤن بۆ بجهئینانا وێ.”
ئەڤ لێدوانە د دەمەکێ دانە کو گەنگەشە ل سەر گوهۆڕینا شێوازێ دەواما زانکۆیان دهێتە کرن، لێ هەتا نوکە بڕیارا فەرمی ژ لایێ وەزارەتێ ڤە نەهاتیە دان و چاڤەڕێی گوهۆڕینێن نوو دهێتە کرن.