ناڤه‌ندا نووچه‌يان – سه‌ما
د.عه‌لى ته‌ته‌ر، پارێزگارێ دهۆكێ پەرتووکه‌كا نوو لژێر ناڤێ (فەرمانڕەواییا دۆنبۆلیيان ل ڕۆژهەلاتێ کوردستان و ئازەربایجانێ) وه‌شاند، كو به‌حس ل ديرۆكا هۆزا دۆملى ئێك ژ هۆزێن ئێزديانه دكه‌ت.
په‌رتووك ڕۆناهيێ ئێخسته سه‌ر ڤەکۆلین و کۆمڤەکرنا بەڵگەنامە و ژێدەرێن ڕەسەن يێن گرێدايى ب ڕه‌هـ و ريشالێن هۆزا دۆملى ڤه.
پارێزگارێ دهۆكێ ل سه‌ر ل سه‌ر ئه‌كاونتێ خۆ یێ فه‌یسبۆكێ به‌لاڤكريه و نڤيسييه، پاش ٨ ساڵان ژ ڤەکۆلین و کۆمڤەکرنا بەڵگەنامە و ژێدەرێن ڕەسەن، پەرتووکا (فەرمانڕەواییا دۆنبولیان ل رۆژهەلاتێ کوردستان و ئازەربایجانێ) ب دووماهی هات.
گۆتيه ژى، دۆنبۆلی یان دۆملی هۆزەکا کوردێن ئێزدی بوون ژ چیایێ مەقلوبێ شێخان گەهشتنە هەکاری تا ئازەربایجانێ و دەستهەلاتداریەکا بهێز ل دەڤەرێن خۆی و تەڤرێز دامەزراندن و دەستهەلاتدار و نڤیسەر و هۆزانڤانێن زور مەزن دناڤدا پەیدا بوون و تا نها ژی شوێنەوارێن مەزنێن شارستانی مینا بازارێ مەزنێ تەڤرێز و شارێ خۆیێ یێ نوو ژ وان بجهمایە.
ديار ژى كريه، ئەگەرچی ئەڤ هۆزا مەزن ل رۆژهەلاتێ بوونە موسلمان و تورکزمان، لێ کوردبوون ،ئێزدیبوون و چیایێ مەقلوبێ شێخان و شنگال هەر د بیرو هزرا واندا مایە.
ئەڤ پەرتووکە ل پەرتووکخانا جزیری ل دهۆکێ ل بەردەسته.
