ناڤەندا نووچەیان – سەما
شێوهرمهندێ سهرۆكوهزيرێن عێراقێ بۆ كاروبارێن ئێزديان ڕاگههاند، ڕهزامهنديا سهرۆكوهزيرێن عێراقێ هاتيه دان بۆ پشتهڤانى و قهرهبووكرنا خودانێن دوكانێن زيانڤێكهفتى ل كهمپا باجد كهندالا.
د. خهلهف شنگالى، شێوهرمهندێ سهرۆكوهزيرێن عێراقێ بۆ كاروبارێن ئێزديان، ئيڕۆ چارشهمبوويێ 31-12-2025، تايبهت بۆ سهما گۆت: پشتى مه نڤيسارهك ئاراستهى سهرۆكوهزيران كرى بۆ پێشكێشكرنا پشتهڤانيێ بۆ خودانێن 53دوكانان يێن ئاگربهربوويى و سۆتين ل بازاڕێ كهمپا باجد كهندالا ل ئيدارا سهربهخۆيا زاخۆ، ڕهزامهنديا خۆ نيشاندا بۆ قهرهبووكرنا زيانڤێكهفتيان.
شنگالى ئاماژه ب وێ چهندێ دا، ڕاپۆرتهكا ب تێر و تهسهل دهربارهى زيانێن خودانێن دوكانان ب ههماههنگى ل گهل لايهنێن پهيوهنديدار ل حكومهتا فيدڕال و حكومهتا ههرێما كوردستانێ هاتيه پێشكێشكرن.
ل ڕۆژا شهمبوويێ 27-12-2025، ئاگر ب دوكانێن بازارێ كهمپا باجد كهندالا یا ئاوارهيێن شنگالێ ل ئیدارا سهربهخۆ یا زاخۆ كهفت.