سه‌ما – دلڤین و چیرۆك

کەنالێ سەما، بەرنامەیەکی تایبەت ب ناڤێ “دلڤین و چیرۆک” پێشکێش دکەت، ئەڤ بەرنامەیە کو ژ لایێ رۆژنامەڤانا كه‌نالی (دلڤین حه‌جی) ڤە دهێتە بڕێڤەبرن، بزاڤێ دکەت تیشکێ بێخیتە سەر ژیانا سادە و پر ژ واتایا کو ل سەر دەمێ باب و کالان هەبوو.

د هەر خەلەکەکێ دا، کامیرایا بەرنامەی قەستا گوندەکێ یان دەڤەرەکا ئێزدیان دکەت و دبتە مێهڤانا ئافره‌ت و ژنه‌كا ئێزدی، دانوستاندن ل سەر ژیانا جاران دهێتە کرن.

هه‌روه‌سان زه‌حمه‌تی و جوانیێن ژیانا ل گوندان و پاراستنا تیتال و تێکەلیێن جڤاکی یێن کو ل سەر دەمێ باب و کالان هەبووین و گوهداری کرنا وان چیرۆک و سەرهاتیێن کو د ناڤبەرا دوهی و ئیرۆ دا هاتینه‌ روودان دهێنه‌ به‌حسكرن

د خەلەکا ئێكێ دا، بەرنامەیێ “دلڤین و چیرۆک”، مێهڤانا ڤێ جارێ ئافره‌ته‌كا ئێزدی یا خه‌لكا رۆژئاڤایێ كوردستانێ یه‌.

ئەڤ میهڤانە ناڤێ وێ دای سه‌لوایه‌ بەحسێ بیرهاتنێن خوە، کا چەوان جەژن و هەلکەفتێن ئایینی و نەتەوەیی ل وێ دەرێ د گێڕان، هەروەسا دێ تیشکێ ئێخیتە سەر وێ رەوشا دژوار و ئەو گۆهۆڕینێن بسەر ژیانا وان دا هاتین، ئەڤ خەلەکە دێ بتە پاراستنا ناسنامەیا رەسەنا کوردەواریێ د ناڤ هەموو هه‌ڤركیان دا.