سهما
بهرنامهیێ دیوان، ژین و ژیارا گوند و دهڤهرێن ئێزدییان بهرچاڤ دكهت، پێشکێشکارێ كهناڵێ سەما تیڤی خالد شێخ خودێدا دگەل هەفکارێن خو گوند ب گوند دگەرێن، ل ههموو ڕۆژێن ئینییان ل دەمژمێر 8ـی هێڤاری ل یوتیۆب و سۆشیالا كهناڵی دهێتە پەخشکرن.
كارێن گوندییان ژ ئالیێ چاندن و خودانكرنا تهرش و تهوالی دیاردكهت و ههروهسان بهحس ل نهریتێن كهڤن و ئاههنگ و ستران و یارییێن كهڤن و رێ و رهسمێن ئاینی دكهت.
ههروهسان بەرنامەیێ دیوان،کاریگەرییەکا کۆمەڵایەتی ل سهر جڤاكی ههیه، ژبهركو خەلکێ باژێر و ناڤچەیێن جیاواز زێدهتر دهربارهی ژیانا گوندان ب ڕێكا ڤی بەرنامەیی دزانن، کەلتورێ ئێزدییان ژی ب شێوەیەکی باشتر نیشا خەلکێ ناڤخۆ و ژ دەرڤەی وهڵات دهێـته دان.
ئهڤ بهرنامهیه، بتنێ بهرنامهیهكی تهلهفزیۆنی نینه، بەلکو کارهكی گرنگە بۆ پاراستنا کەلتور، ناساندنا ژیانا گوندان، و ب هێزکرن و پاراستنا ناسناما جڤاكێ ئێزدی.
خهلهكا ئێكێ – شاریا