ناڤهندا نووچهیان – سهما
بنگههێ لالش ل دهۆكێ د سالیادا ڕێککەفتناما 11ـی ئادارێ پەیامهك بهلاڤ كر و ڕاگەهاند، ڕێککەفتنناما 11ـی ئادارا 1970، دەسهەلاتا وێ گاڤێ یا عێراقێ نەچار کری دانپێدانێ ب پشکەک ژ مافێن ڕەوا یێن گەلێ کوردستانێ بکەت.
ديار ژى كر، پاراستنا ئەڤان دەستکەفتان و گەهشتن ب ئارمانجێن مەزنتر، ب تنێ ب یەکڕیزی و تەباییا ناڤمالا کوردستانێ ب جهـ دئێت.
دهقێ پهياما بنگههێ لالش:
ئيرۆ 56 سال ب سەر ڕێککەفتناما ديرۆكى یا 11ێ ئادارا 1970ێ دا دەرباز دبن، ئەو رۆژا کو وەک چرایێ خەباتێ و بنەمایێ مافێن دەستووری د دیرۆکا گەلێ مە دا هاتە تۆمارکرن، ئەڤ دەستکەفتە یا نەتەوەییە، بەرهەمێ خوینا هزاران شەهیدان و خۆراگرییا قارەمانێن شۆرەشا ئەیلۆلا مەزن بوو ب رێبەرایەتییا بابێ روحی یێ نەتەوا کورد، بارزانیێ نەمر.
رێککەفتنا 11ێ ئادارێ، یەکەم بەلگەنامەیا فەرمی بوو کو دەسهەلاتا وێ گاڤێ یا عێراقێ نەچار کری دانپێدانێ ب پشکەک ژ مافێن رەوا یێن گەلێ کوردستانێ بکەت، ئەڤ وەرچەرخانە بوو بەرێ بنیاتی بۆ پێکڤەژیانا ئاشتیانە، رەتکرنا هزرا رەگەزپەرستیێ و سەلماندنا باوەرییا گەلێ مە ب دیالۆگ و چارەسەرییا سیاسی.
ئەو ئازادی و قەوارەیێ دەستووری یێ ئیرۆ هەرێما کوردستانێ تێدا دژیت، درێژەپێدەرا وێ سیاسیەتا حەکیمانە و ژیرمەندانە یا سەرۆک مەسعود بارزانی یە، ئەم د ڤێ یادێ دا دووپات دکەینەڤە کو پاراستنا ئەڤان دەستکەفتان و گەهشتن ب ئارمانجێن مەزنتر، ب تنێ ب یەکڕیزی و تەباییا ناڤمالا کوردستانێ ب جهـ دئێت.
ل ڤێ بیرئینانێ دا، تهكهزیيێ ل سەر داکۆکیکرنێ ژ ماف و دەستکەفتێن نەتەوەیی یێن گەلێ کوردستانێ دکەینە ڤە.
سلاڤ بۆ گیانێ پاکێ شەهیدان، سەرکاروانێ وان بارزانیێ نەمر و کاک ئیدریسێ هەردەم ساخ. سەروەری بۆ پێشمەرگەهێن قەهرەمان یێن کو مێژوو ب خوینا خۆ نەخشاندین.
دەستەیا بلند یا بنگەهێ لالش یێ رەوشەنبیری و کۆمەلایەتی/دهۆك
١١ێ ئادارا ٢٠٢٦ێ